Aqtóbe oblysynda Quqyq qorǵaý organdarynyń jedel-aldyn alý is-sharalarynyń arqasynda qylmys deńgeıiniń tómendeýi baıqalady. Atap aıtqanda, asa aýyr qylmystar sany 25% azaıdy, ortasha aýyrlyqtaǵy qylmystar sany 2,7 esege, aýyr emes qylmystar 2,3 esege azaıdy. Tonaý 3,3 esege, buzaqylyq – 30%, bóten múlikti urlaý – 2,6 esege, páter urlyǵy-2,4 esege jáne mal urlyǵy 13 esege azaıdy.
Jalpy qoǵamdyq oryndarda qylmys 44% tómendedi, jasóspirimderdiń qylmysy 31,6% tómendedi. Osynyń barlyǵy TJ jaǵdaıynda ýákiletti organdar qabyldaǵan aldyn alý sharalarynyń nátıjeliligin kýálandyrady. Aqtóbe oblysynyń Polısııa departamenti 16 naýryzdan bastap qyzmet atqarýdyń erekshe tártibine kóshti. Oblysta quqyqtyq tártipti qamtamasyz etý maqsatynda qoǵamdyq oryndarda jáne kóshelerde patrýldeý kúsheıtildi. Polısııanyń keshendi kúshteri jasaqtarynyń tyǵyzdyǵy artty. Karantındik, juqpaly obektilerdi qorǵaý úshin patrýldik narıadtar qoıyldy.
