Bul beınekonferensııa 21 sáýirdegi ÝEFA-nyń barlyq 55 ulttyq qaýymdastyǵy bas hatshylarynyń keńesinen keıin ótedi. Sol jıynnyń qorytyndysy boıynsha 23 sáýirde sheshim qabyldanbaq.
ÝEFA-nyń resmı saıtynyń buǵan deıingi málimetine sáıkes Eýropanyń eń dúbirli dop dodalaryn tamyz aıynyń sońyna deıin aıaqtaý týraly ıdeıa talqylanǵan. Iаǵnı, basynda 30 mamyrda Ystambulda ótýi tıis bolǵan Chempıondar lıgasy 29 tamyzǵa aýystyrylýy múmkin.
Olaı bolsa fınalǵa deıingi shırek fınal men jartylaı fınal oıyndary shildeniń sońy men tamyzdyń ishinde ótpek. Qazir shırek fınalǵa shyqqan tórt komanda anyqtalǵan. 1/8 fınaldyń áli tórt jubynyń oıyny bitpedi. Bulardyń ishinde bárinen Manchester Sıtı men Real Madrıd komandalarynyń kezdesýi tartymdy bolyp tur.
Sonymen qatar 27 mamyrǵa belgilengen Polshanyń Gdansk qalasyndaǵy Eýropa lıgasynyń fınaly endi 26 tamyzǵa aýystyrylýy múmkin.
