Joǵary sottyń baspasóz hatshysy Aıdos Sádýaqasovtyń aıtýynsha, prosesterdiń kóbeıýi baılanys arnalaryna túsetin salmaqty arttyrdy. Sonyń saldarynan qashyqtan sot otyrystaryn ótkizý barysynda TrueConf jáne «Sot kabıneti» servısterinde baılanystyń joǵalýy, beıneniń bulyńǵyrlanýy, daýys yrǵaǵynyń kidirýi sııaqty irkilisterdi baıqaldy. Sondyqtan endigi jerde sottarǵa Whatsapp, Skype jáne taǵy basqa messendjerlerdi paıdalanýǵa múmkindik berý týraly sheshim qabyldandy.
IT-mamandar kúndelikti máselelerdi sheshýge tyrysyp jatyr. Osy rette qashyqtan sot otyrystaryn ótkizýdiń sapasy jaqsarýy úshin azamattardyń daıyndyǵy da pysyqtalǵan jón. Mysaly, gadjettiń 4G tehnologııasyn qoldaýy, wi-fi jyldamdyǵy keminde 8 mb/s bolýy, qashyqtan sot otyrysyna qatysý kezinde sapaly shaǵyn garnıtýrany (qulaqqaptar jáne mıkrofon) paıdalaný sııaqty jaıttar eskerilýi kerek.
