Bloger ata-ana mınıstrlik ókilderimen, qoǵam qaıratkeri, muǵalim, ata-analarmen ótken jıynda mektep jasyndaǵy úsh balasy bar áke retinde qashyqtan oqytý júıesi boıynsha óz oı-pikirin bildirdi.
«Qazir úsh balam bir mektepte oqysa da, úsheýi ár túrli ádispen oqıdy. Mysaly, 1-synyptyń balasyna muǵalimi sabaqty túsindirip, arnaıy vıdeo jazyp jiberedi. Al 3, 4-synyp oqýshylary «Bilimland.kz»-te jeke kabınetterinde júktelgen tapsyrmalardy oryndap, muǵalimge jiberedi. Muǵalimi baǵasyn «Kundelik.kz»-ke júktep qoıady. Bala júıege kirip, alǵan baǵasyn kórgennen keıin óz betimen oqý kerek ekendigin, mektepke barmasa da, muǵalimniń baqylaýynda ekenin jaqsy túsindi. Elimizde qashyqtan oqytý bastalǵaly balalar sabaqty óz betimen oryndap, ýaqyttaryn durys uıymdastyrýdy úırendi»,- dedi A.Toqabaev.
Sondaı-aq, bloger qashyqtan oqytý bastalǵaly ata-analar balasy baǵa úshin emes, sapa úshin oqýy kerek ekenin túsine bastaǵandyǵyn aıtty.
Konferensııa barysynda ata-ana mınıstrlik ókilderine: «Nazarbaev ýnıversıteti, KBTÝ, KIMEP sııaqty ýnıversıtetterde shet memleketten kelip bilim beretin tanymal ǵalymdardyń leksııalaryn basqa qalalardaǵy stýdentter de kóre alatyndaı qoljetimdi bolsa eken. Ǵalymdardyń dárisin, ár saladaǵy úzdik mamandardyń ózekti oılaryn biz de tyńdaǵymyz keledi. Bálkim mundaı dárister túsirilgen de shyǵar, biraq sonyń bizde nasıhaty, jetkizý tásili kemshin sekildi», dep usynysyn jetkizdi.
