COVID-19 indetine baılanysty elderimiz arasyndaǵy azamattyq áýe qatynasynyń ýaqytsha toqtatýyna qaramastan, qazaqstandyq dıplomattar Chennaı jáne Mýmbaı qalalarynan bizdiń azamattarymyzdy elge qaıtarý úshin Úndi tarapymen kelisimge qol jetkizdi.
Osylaısha, 18 sáýirde Almaty qalasyna QR 6 azamaty (3 pasıent jáne 3 erip júrýshi) jetkizildi.
Sonymen qatar, úndi tarapynyń bastamasy boıynsha osy reıspen Qazaqstanǵa koronavırýspen kúresý úshin gýmanıtarlyq kómek retinde 30 myń dári-dármek jiberildi.
Qazaqstan Syrtqy ister mınıstrligi Úndistan Úkimetine dostyq yqylasy úshin alǵys bildiredi jáne bul bastama bizdiń elderimiz arasyndaǵy strategııalyq seriktestik rýhyna tolyq sáıkes keletinin atap ótedi.
