Mańǵystaý oblysy jedel jáne shuǵyl járdem stansııasyna tabystalǵan Sobol, Next ı Bıznes 4h4 tolyq jetekti Gazel avtomobılderi «SemAZ» JShS bazasynda jınalǵan. «Vıraj» kompanııalar toby quramyna kiredi jáne jedel medısınalyq kómek avtomobılderine qoıylatyn zamanaýı talaptarǵa saı keledi. Temir tulparlar ázirge Aqtaý qalasyndaǵy shaqyrtýlarǵa barady, sebebi «103» qyzmetine túsetin negizgi shaqyrýlar oblys ortalyǵynda kóp bolyp tur.
Búgin «NCOC» kompanııasynyń ókilderi Aqtaýdaǵy «Vıraj» avtosalonynda 3 avtokóliktiń kiltin aq halatty abzal jandarǵa tabys etti. Bul máseleniń oń sheshilýine Mańǵystaý oblysy ákimdigi yqpal etken. Aldaǵy ýaqytta taǵy da jańa kólikter beriledi dep kútilýde. Ol úshin ınvestorlarmen kelissózder júrgiziledi jáne jergilikti bıýdjetten qosymsha qarajat qarastyrylmaq.
Aıta ketý kerek, oblys ákimdigi tarapynan densaýlyq saqtaý salasyna qomaqty qarajat bólinýde. Materıaldyq-tehnıkalyq bazany jańartýdan bólek, koronavırýspen kúres júrgizip jatqan aq halattylarǵa 13 teplovızor jáne 1000-ǵa tarta qorǵanysh kostıýmderi men arnaıy halattar basqa demeýshilerdiń esebinen satyp alyndy.
