2013 jylǵy 14 tamyz Astana qalasy
«Atqarýshylyq qujattardy oryndaý kezinde tyıym salynǵan múlikti satý erejesin bekitý týraly» Qazaqstan Respýblıkasy Ádilet mınıstriniń mindetin atqarýshynyń 2010 jylǵy 3 qarashadaǵy №308 buıryǵyna ózgerister engizý týraly»
2013 jylǵy 14 tamyz Astana qalasy
«Atqarýshylyq qujattardy oryndaý kezinde tyıym salynǵan múlikti satý erejesin bekitý týraly» Qazaqstan Respýblıkasy Ádilet mınıstriniń mindetin atqarýshynyń 2010 jylǵy 3 qarashadaǵy №308 buıryǵyna ózgerister engizý týraly»
«Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasy Zańynyń 74-babynyń 5-tarmaǵyna jáne «Ádilet organdary týraly» Qazaqstan Respýblıkasy Zańynyń 7-baby 2-tarmaǵynyń 3) tarmaqshasyna sáıkes, buıyramyn:
1. «Atqarýshylyq qujattardy oryndaý kezinde tyıym salynǵan múlikti satý erejesin bekitý týraly» Qazaqstan Respýblıkasy Ádilet mınıstriniń mindetin atqarýshynyń 2010 jylǵy 3 qarashadaǵy №308 (normatıvtik quqyqtyq aktilerdi memlekettik tirkeý tiziliminde №6630 tirkelgen jáne «Egemen Qazaqstan» gazetinde 20.04.2010 j., №144-146 jarııalanǵan) buıryǵyna mynadaı ózgerister engizilsin:
kórsetilgen buıryqpen bekitilgen Atqarýshylyq qujattardy oryndaý kezinde tyıym salynǵan múlikti satý erejesine:
2-tarmaqtyń úshinshi abzasy alynyp tastalsyn;
2-tarmaqtyń besinshi abzasy alynyp tastalsyn;
2-tarmaqtyń onynshy abzasy mynadaı redaksııada jazylsyn:
«jeńimpaz – saýda-sattyqtaǵy zatqa eń joǵary baǵa usynǵan jáne ótkizilgen saýda-sattyq týraly hattamaǵa qol qoıǵan aýksıonnyń qatysýshysy»;
5-tarmaq mynadaı redaksııada jazylsyn:
«5. Boryshkerdi jáne óndirip alýshyny júrgizilgen baǵalaý týraly tıisinshe habardar etpeı nemese tanystyrmaı jáne olarǵa baǵalaý nátıjesin daýlaýǵa on kúntizbelik kún merzim bermeı, tyıym salynǵan múlik saýda-sattyqqa qoıylmaıdy. Kórsetilgen merzimdi esepteý júrgizilgen baǵalaý boıynsha boryshkerdi jáne óndirip alýshyny tanystyrǵan nemese habardar etken kúnnen esepteledi. Boryshkerdiń izdeýde bolǵan kezi onyń múlkin ótkizýdi júzege asyrýǵa kedergi bolmaıdy»;
6-tarmaq mynadaı redaksııada jazylsyn:
«6. О́ndirip alýshylar retinde eki jáne odan kóp óndirip alýshylar áreket etetin atqarýshylyq is júrgizý boıynsha tyıym salynǵan múlik árbir óndirip alýshyǵa bara-bar tıesili somada múlikti satýdan alynǵan aqshalaı qarajatty bólý jolymen barlyq óndirip alýshylardyń talaptaryn qanaǵattandyrý úshin saýda-sattyqqa qoıylady. Osy atqarýshylyq is júrgizýler boıynsha satýdyń barlyq satysynda óndirip alýshylarǵa múlikti zattaı qabyldap alý týraly usynys jasalmaıdy.
Atalǵan shekteý óndirip alýshyǵa (kepilustaýshyǵa), eger onyń talaby qalǵan óndirip alýshylardyń talabynan basym bolsa qoldanylmaıdy.»;
7-tarmaq mynadaı redaksııada jazylsyn:
«7. Memlekettik sot oryndaýshysynyń saýda-sattyqqa múlikti qoıýy Zańda kózdelgen jaǵdaılardy qospaǵanda, uıymdastyrýshyǵa atqarýshylyq qujattyń jáne múlikti satýǵa qoıý týraly qaýlynyń, boryshkerdi jáne óndirip alýshyny múliktiń baǵasymen tıisti habardar etý nemese tanystyrýdy rastaıtyn qujattardyń kóshirmesin qosa bere otyryp, tyıym salynǵan múliktiń saýda-sattyǵyn júrgizýge arnalǵan ótinim jiberý jolymen júrgiziledi.»;
9-tarmaq alynyp tastalsyn;
16-tarmaqtyń ekinshi bólimi mynadaı redaksııada jazylsyn:
«Saýda-sattyqqa qatysýǵa ótinimderde saýda-sattyqqa qatysýshynyń tolyq derekteri: tegi, aty, ákesiniń aty, jeke kýáliginiń derekteri, zańdy tulǵanyń tolyq ataýy, jeke ıdentıfıkasııalyq nómiri/bıznes ıdentıfıkasııalyq nómiri kórsetiledi»;
23-tarmaq mynadaı redaksııada jazylsyn:
«23. Saýda-sattyq ótetin kúni qatysýshynyń bıleti oǵan berilgen tirkeý nómiri bar kartochkaǵa aýystyrylady. Saýda-sattyq prosesinde tirkeý nómiri bar kartochkany basqa tulǵanyń paıdalanýyna jol berilmeıdi.»;
26-tarmaq mynadaı redaksııada jazylsyn:
«26. Aýksıon bastalar aldynda ony ótkizý erejesi, satylatyn múliktiń ataýy, bastapqy baǵasy jáne múliktiń baǵasyn ózgertý qadamy jarııalanady»;
30-tarmaq alynyp tastalsyn;
31-tarmaq mynadaı redaksııada jazylsyn:
«31. Aýksıon boryshkerdiń múlkin ótkizýge joldaý týraly qaýlyda kórsetilgen múliktiń qunynan bastalady. Satyp alý baǵasyn ulǵaıtý qatysýshynyń oǵan berilgen tirkeý nómiri bar kartochkany kóterýi arqyly jáne bastapqy qunnan bir qadamǵa nemese birneshe qadamǵa ulǵaıtýyn jarııalaý arqyly júzege asyrylady.
Múliktiń qunyn ár ulǵaıtýdan keıin aýksıondy uıymdastyrýshy múlik qunynyń óskeni týraly habarlaıdy jáne aýksıo
