Resmı málimet boıynsha, tórt jaǵdaı da Jitiqara qalasynda tirkelgen.
Tórt azamattyń ekeýi (1972 jáne 1993 jyly týǵan) buǵan deıin indet juqtyrǵan zeınetkerlermen kórshi turǵan. 1975 jáne 1998 jyly týǵan eki azamat ta jaqyn qarym-qatynasta bolypty.
«PTR dıagnostıkalyq zertteý nátıjesi boıynsha 4 pasıentte de COVID-19 dıagnozy rastaldy. Qazirgi tańda naýqastardyń jaǵdaıy qanaǵattanarlyq, shaǵymdary joq. Atalǵan azamattar oqshaýlandy jáne tıisti emdeý sharalaryn alýda. Olarmen baılanysta bolǵan adamdardy anyqtaý jáne oqshaýlaý boıynsha jumystar júrgizilip jatyr. Indet oshaqtary zalalsyzdandyryldy», - dep málimdedi óńirlik jedel shtab.
Jalpy 20 sáýirdegi jaǵdaı boıynsha oblysta COVID-19 indetin juqtyrǵan 19 adam anyqtaldy. Onyń úsheýi – Tobyl qalasynda gospıtalda jatyr. Jitiqarada – 15, Arqalyq qalasynda 1 naýqas tirkelgen.
