Aldymen Abyl Taraquly atyndaǵy ult aspaptar orkestri Qurmanǵazynyń (dırıjeri R.Madreev) «Adaı» kúıin kópshilik nazaryna usynsa, izgi úrdisti «Aqjarma» folklorlyq ansambli jalǵastyrdy. Olar Ǵ.Qurmanǵalıevtiń «Sálem, Qazaqstan!» ánin tyńdarmandarǵa joldady. Karantın kezinde úıde otyrǵan baýyrlarymyzǵa qoldaý kórsetip, jaqsy kóńil-kúı syılaýdy maqsat ettik. Mundaı konsertter fılarmonııa ártisteri arasynda turaqty ótkizilip keledi. Olar árbir kúni úılerinen konsertterin bizge joldap otyrady. Fılarmonııa operatory ony óńdep, jelilerge júkteıdi. Osylaısha ártisterimiz ýaqytty bosqa ótkizbeı karantın kezinde de óz sheberlikterin shyńdaýda. Biz, Mańǵystaý fılarmonııasynyń ujymy barlyqtaryńyzdy úıde bolýǵa jáne ónermen, shyǵarmashylyqpen aınalysýǵa shaqyramyz, deıdi Mańǵystaý oblystyq fılarmonııasynyń dırektory Bekbol Bazarbaev.
