Til saıasaty komıtetiniń tapsyrysymen onlaın-dáristi Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy uıymdastyrdy.
Áleýmettik jeli arqyly árqaısysy 30 mınýttan eki dáris tyńdaldy. Alǵashqy dáristi Shaısultan Shaıahmetov atyndaǵy «Til-qazyna» ulttyq ǵylymı-praktıkalyq ortalyǵynyń atqarýshy dırektory, fılologııa ǵylymdarynyń kandıdaty Erbol Tileshov «Orfografııalyq jumys toby: maqsaty, jumys prınsıpi, uıymdastyrý sharalary, nátıjeler» taqyrybynda oqydy. Ol Tuńǵysh Prezıdent Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda qazaq álipbıin latyn grafıkasyna kóshirý máselesi negizgi mindet ekenin aıtyp, QR Úkimeti janyndaǵy «Qazaq jazýyn latyn álipbıine kóshirý» jónindegi Ulttyq komıssııa janyndaǵy Orfografııalyq jumys tobynyń maqsaty men mindetterin, atqarǵan is-sharalaryn, nátıjelerin jan-jaqty baıandap berdi.
Sondaı-aq Erbol Tileshev Orfografııalyq jumys tobynyń ýaqyt talabyna saı ǵylymı, ádistemelik nasıhat jumystaryna belsene atsalysqandyǵyn, qazaq álipbıin latyn grafıkasyna kóshirý boıynsha orasan eńbek atqarǵandyǵyn aıtty.
Ekinshi dáristi Ahmet Baıtursynuly atyndaǵy Til bilimi ınstıtýtynyń bas ǵylymı qyzmetkeri, fılologııa ǵylymdarynyń doktory, professor Álimhan Júnisbek «Latyn grafıkalyq álipbıdiń fonetıkalyq negizdemesi» taqyrybynda oqydy.
Álimhan Júnisbek álipbı quramyndaǵy árbir áriptiń zańdylyǵy bolatyny, y, i, u, ú dybystarynyń akýstıka-artıkýlıasııalyq dáıektemesi, tórt dybystyń ózara tyǵyz baılanysy, júıe quraǵysh sıpaty, árip ústi dáıekshelerdiń tildegi qyzmeti jaıly til mamandaryna paıdaly aqparat berdi.
Bul dáristerge zeıin qoıyp tyńdaǵandar ózderine qajetti paıdaly maǵlumat aldy. Dáriske Zoom servısi boıynsha 78 til mamany qatysty. Feısbýk jelisindegi ONLINEda bol paraqshasy arqyly 34 adam tyńdady.
