Qyzmetkerlerin qorǵanys quraldarymen, ortalyqtandyrylǵan tasymaldaýmen qamtamasyz etpeı, dezınfeksııa jumystaryn júrgizbegeni úshin 15 nysannyń qyzmeti toqtatyldy. Jumysy toqtatylǵan nysandardyń qatarynda qurylys kompanııalary, tapsyryspen aınalysatyn meıramhanalar men qonaq úı bar.
Elorda kompanııalarynyń basym bóligi sanıtarlyq-epıdemıologııalyq talaptardy qatań saqtap jatyr. Jumys ýaqyty tańǵy saǵat 9-dan keshki 18-ge deıin (bul tamaq tasymaldaıtyn oryndarǵa qatysty emes). Qyzmetkerlerdi tasymaldaý uıymdastyryldy. Olar arnaıy kıimmen, qorǵanys quraldarymen qamtamasyz etildi. Qyzmetkerler sanıtarlyq óńdeýden ótedi.
«Bul qalada qalǵan adamdar. 50%-dan astamy aýdandarǵa ketti. Jumysqa jaqyn jerde turatyn qyzmetkerler shyǵyp jatyr. Tańerteń saǵat 9-ǵa deıin jáne keshki saǵat 18-den keıin qyzmetkerler teplovızorda JRVI belgileriniń bar-joǵyna tekseriledi. Shtatqa jumysshylardy tekserip turatyn medısına salasynyń qyzmetkerleri qabyldandy. Kireberiste kontrolıor árbir klıentti teplovızorda tekserip turady», – dedi «Megastroı» qurylys gıpermarketi dırektorynyń orynbasary Oksana Sýhorýkova.
Gıpermarketke kire beriste arnaıy belgi jasaldy. Sanıtarlyq normalardy saqtaýǵa yńǵaıly bolý úshin adamdar arasyndaǵy ara qashyqtyq – eki metr.
«Satyp alýshylar kezekpen kiredi. Bizde jeti kassa jumys isteıdi. Kassada 2-3 klıentten artyq bolmaýyn qadaǵalaımyz. Dáliz tolyǵymen dezınfeksııalanady. Zalda sanıtaızerler ornatyldy. Klıentterge maskamen kirýge ǵana ruqsat. Saǵat saıyn dezınfeksııa jumystary ótkizilip turady», – dedi O. Sýhorýkova.
Sanıtarlyq normalar men karantın rejımin saqtamaǵan jaǵdaıda elordada nysandarynyń qyzmeti toqtatylady. Elordada koronavırýstyń taralýyna jol bermeý maqsatynda qatań erejeler qabyldandy.
