«Saıası partııalar týraly» Zańyna ózgeris pen tolyqtyrýlar engizý týraly» Zań jobasy Prezıdenttiń Ulttyq qoǵamdyq senim keńesiniń ekinshi otyrysynda bergen tapsyrmasyn iske asyrý maqsatynda ázirlendi.
Májilis depýtattarynyń aldynda baıandama jasaǵan Ádilet mınıstri Marat Beketaev zań jobasy saıası partııalardy qurý tártibin jeńildetetinin, memlekettik sheshimderdi ázirleý jáne qabyldaý prosesterine oń áserin tıgizetinin atap ótti.
– Zań jobasymen saıası partııalardy qurý úshin tirkeý talabyn 40 myńnan 20 myń adamǵa deıin tómendetý usynylady. Buǵan qosa Zań jobasymen partııalyq saılaý tizimderinde áıelder men jastar úshin keminde otyz paıyz mólsherinde kvota engizý týraly túzetý bar. Bul jańa qaralǵan saılaý týraly Konstıtýsııalyq zań jobasynyń erejelerin iske asyrýǵa baǵyttalǵan. Usynylyp otyrǵan qujat ártúrli alańdarda maqsatty toptarmen qaraldy. Atap aıtqanda, zań jobalary Ulttyq qoǵamdyq senim keńesiniń jekelegen múshelerimen, jastarmen jáne saıası partııalardyń ókilderimen keńinen talqylandy. Jalpy, osy zańnamalyq bastamalar áıelder men jastardy qoǵamnyń saıası ómirine belsene qatysýǵa, sondaı-aq kóppartııalyq júıeni odan ári qalyptastyrýǵa oń yqpal etedi, – dedi M.Beketaev.
