Búgingi tańda «Batys» óńirlik qolbasshylyǵynyń áskerı bólimderiniń jeke quramy elimizdiń Batys aımaǵynyń eldi mekenderinde jappaı kóp jınalatyn oryndarynda zalalsyzdandyrý jumystaryn ótkizýde. О́ńdeýdi júrgizý arqyly áskerı qyzmetshilerdiń ózderi densaýlyǵyna zor qaýip tóndiredi. Sondyqtan áskerı bólimderdiń basshylyǵy osy qaýipterdi azaıtý úshin barlyq qajetti sharalardy usynady.
Búgin biz kezekti dezınfeksııalyq jumystardan keıin jeke quramdy, olardyń jabdyqtary men qurylǵylarynyń qalaı óńdeletiniń baqylaımyz. Osy maqsatta áskerı bólimderde birneshe is-sharadan turatyn arnaıy óńdeý bólimsheleri ornalastyryldy, atap aıtqanda bastapqy óńdeý pýnkti, jeke quramdy sanıtarlyq tazartý bólimi (jýý), kıimdi zararsyzdandyrý orny jáne óńdelgen jumys kıimderin berý orny.
Sonymen, jeke quram óz ýchaskelirin óńdep bolǵan soń, dezınfeksııalaý toptarynyń jetekshileri bul týraly kezekshi dárigerge baıandaıdy. Sodan keıin kezekshi dáriger personaldy sanıtarlyq óńdeýden ótkizý jáne kıim men quraldar dezınfeksııasynyń tártibin túsindiredi. Qysqa nusqaýdan keıin jeke quram IDK-lardy (jeke dezınfeksııa jınaǵy) kórsetilgen orynǵa qoıady.
Keıinnen jeke quramnyń densaýlyq jańdaıyn tekserý maqsatynda alǵashqy medısınalyq tekseristen ótýge (termometrııa) jáne qorǵanys kıimderin termoóńdeýden ótkizýge tapsyrýǵa arnalǵan palatkaǵa bet alady. Kezekshi feldsher áskerı qyzmetshilerdiń densaýlyǵyn tekserip, dene temperatýrasyn ólsheıdi. Bul kezde kezekshi dezınfektor IDK-ny arnaıy eritindimen seýip shyǵady, al kombınezon termııalyq óńdeýge jiberiledi.
Densaýlyq jaǵdaıyn tekserý aıaqtalǵannan keıin áskerı qyzmetshiler monshaǵa jiberiledi, onda qoldanylǵan kıimdi tapsyrý jáne taza kıimdi berý júzege asyrylady.
Termııalyq óńdeý aıaqtalǵan soń, kombınezondar men qurylǵylar taratý pýnktine jetkizilip, áskerı qyzmetshilerge tapsyrylady.
Mańǵystaý oblysy
