Bir sýretke qylqalam sheberi jarty jylýaqytyn jumsapty. «Ana» týyndysy Ibragım Isenovtyń jan-dúnıesine jaqyn. Keneptegibeınemen sýretshi óziniń balalyq shaǵynan habar beredi. Mundaǵy tigin mashınasy men eski útikqylqalam sheberiniń jeke murajaıynda áli de saqtaýly.
–Anamnyń aıaly alaqany jadymnan eshqashan óshpeıdi, – deıdi ol,–kókiregimdi qolamtanyń shoǵyndaı jylytyp júretin bir beıne.
Anasy 14 jasynan eńbekke aralasyp, traktormen jer jyrtqan. Sonaý surapyl 1937jyly tuńǵyshyn dúnıege ákelipti. Soǵys jyldary egis alqabynda eńbek etipti. Túnde qushaǵyndaǵy sábıin áldılegen.
Ibragım kartınany aıaqtaýǵa erte deıdi. Obraz jasaldy, alaıda keıipkerdiń psıhologııalyq bolmysyn áli de zerdeleý kerek eken. Tolyq beıne soǵystan emes, jeńisten habar berýi tıis.
Bul sýrette de ananyń meıirimi men jan jylýyn beıneleý maqsat etilgen. Tyl ardageriniń barlyq 9 balasy óz aldyna ómir jolyn tapqan. Bilim alyp, otbasy qurǵan. Olardyń barlyǵy sýret salady. Ibragım Isenovtyń galereıasynda áskerı taqyrypqa arnalǵan kartınalar kóp. Olardyń birinde jeńis salt atty adam beınesinde, ekinshisinde kún sáýlesi men jasyl jelek arqyly berilgen. Sýretshi Uly Jeńistiń 70 jyldyǵynda óziniń týǵan aýyly Qyzylsaıanyń 64 ardageriniń portretterin salyp shyǵypty. Bul sýretterdiń barlyǵy ardagerlerdiń urpaqtaryna syıǵa tartylǵan.
–Jeńis kúni men úshin bala kezimnen erekshe mereke bolatyn. Kóptegen týyndylarymdy ardagerler men mýzeılerge syıǵa tarttym. Árıne, soǵystyń boıaýlary súreńsiz, susty. Ony ár sýretshi ártúrli sezinedi. Men árqashan portrettik beıne izdeımin. Al fonynda tankter, reıhstag taǵyda basqalary bolýy múmkin,–deıdi sýretshi Ibragım Isenov.
Qylqalam sheberiniń qolynan 3 myńnan astam týyndy shyǵypty. Negizinen portret men natıýrmort. Barlyǵy maıly boıaýmen salynǵan. О́ner týyndylarynyń geografııasy Kazahstan, Marokko, Ispanııa, Gresııa, Germanııa, Malta, Koreıa, AQSh tárizdi elderdi qamtyǵan. Alda áli kóptegen jańa oılar bar. Birazy bastalǵan, qalǵany áli qııal áleminde.
Kókshetaý qalasy.
