«Qazaqstan fermerler odaǵy» qoǵamdyq birlestigi Atyraý oblystyq fılıalynyń tóraǵasy Murat Sarmanovtyń málimetine súıensek, aksııanyń basty maqsaty – aq halatty abzal jandardy tabıǵı taza ónimmen qamtý, qoldaý kórsetip, demeý bolý. Osy maqsatty kózdegen óńir fermerleri atalǵan aksııaǵa belsendilikmen qatysýda.
– Máselen, «Qurmanǵazy» óndiristik kooperatıviniń tóraǵasy, oblystyq máslıhattyń depýtaty Sabyrjan Sultanov 1 mıllıon teńgege baǵalanǵan 15 qoıdyń etin jiberdi. Ony ár aýrýhanada jumys isteıtin, sondaı-aq, oqshaýlanǵan medısına qyzmetkerlerine berip jatyrmyz, -deıdi Murat Sarmanov. –Jylyoı aýdanynyń sharýagerleri 175 lıtr shubat pen 67 lıtr qaımaq, 1,5 tonna kókónis, dárimeni mol jemis ónimderin usyndy. Fermerler tarapynan uıymdastyrylǵan kómektiń alǵashqy legi Atyraý qalasyndaǵy barlyq medısına ujymyna, sondaı-aq, karantınge oqshaýlanǵan medısına qyzmetkerlerine, Sábıler úıine jetkizildi. О́nimniń bári – tabıǵı. Bul qazirgi qıyn shaqta aq halattylarǵa qýat beredi dep senemiz.
Onyń aıtýynsha, «Dárigerlerge –sharýagerlerden» qaıyrymdylyq aksııasy karantın aıaqtalǵanǵa deıin jalǵasady. Fermerler apta saıyn medısına qyzmetkerlerin tabıǵı ári taza ónimdermen qamtamasyz etýdi kózdep otyr.
