Aımaqtar • 23 Sáýir, 2020

Qostanaı oblysy: Túngi saǵat 10-nan keıin kóshege shyǵýǵa tyıym salyndy

484 ret

kórsetildi

1 mın

oqý úshin

Qostanaı oblysynyń bas sanıtarlyq dárigeri Vladımır Nechıtaılo karantın talaptaryna birqatar ózgerister engizdi. Endi oblys turǵyndaryna túngi saǵat 22.00-den bastap tańǵy saǵat 06.00-ge deıin kóshege shyǵýǵa bolmaıdy. Qalǵan ýaqytta jaqyn mańaıdaǵy dárihanaǵa baryp dári satyp alýǵa, medısınalyq kómekke júginýge nemese jumysqa barýǵa ruqsat etildi.

Nurqanat QULABAEV

Qostanaı oblysy: Túngi saǵat 10-nan keıin kóshege shyǵýǵa tyıym salyndy

Buǵan deıin kóshege betperdesiz shyǵýǵa tyıym salynǵan edi. Búginnen bastap talap sál jeńildetilgen syńaıly. Endi turǵyndarǵa tek kópshilik ortada, qoǵamdyq oryndar men jumysta6 jabyq ǵımarat ishinde ǵana maska taǵyp júrý mindetteldi.

Úı karantıninde otyrǵan azamattar «Men úı karantınindemin» qyzmeti qosylǵan «SmartQOSTANAI» mobıldik qosymshasyn ornatýy tıis.

Sondaı-aq, oblysta tótenshe jaǵdaı rejimi aıasynda jumys isteýge quqyly mekemeler tizimi keńeıtildi. Bul tizimge kommýnıkasııa jelileri men tehnıkalyq qoldaý qyzmetiniń mamandary, birinshi kezekte qajet azyq-túlik emes zattar men qurylys materıaldaryn, metall buıymdaryn satatyn kóterme saýda oryndary enip otyr. Orman sharýashylyǵy ınspeksııasy, veterınarlyq baqylaý organdary, jeke sot oryndaýshylar palatasy men ádilet departamenti de jumysyn toqtatpaıdy.

Qostanaı oblysy