Mundaı sheshimge kelýdiń sebebin ortalyq bitirýshi synypty sońǵy toqsanda negizinen burynǵy ótkenderdi qaıtalaıtynyn jáne jańa taqyryptardyń tym az ekenimin baılanystyrady.
Ulttyq testileý ortalyǵynyń dırektory Dıdar Smaǵulov mamandar test tapsyrmalarynyń mazmunyn egjeı-tegjeıli taldaǵanyn aıtady.
«Biz qashyqtan oqýǵa kóshý UBT-ǵa daıyndalýǵa áser etpeıdi dep esepteımiz, onyń ústine, mektep oqýshylary UTO-nyń saıtynda ornalastyrylǵan synama testilerin tegin paıdalaný múmkindigine ıe. Árbir pán boıynsha 70 nusqa ázirlendi. Biz oqýshylardyń synama testilerin belsendi paıdalanatynyn kórip otyrmyz. Karantın kezinde oqýshylardyń UBT-ǵa jaqsy daıyndalýy úshin barlyq jaǵdaı jasalýda. Onyń ústine UBT suraqtary tórtinshi toqsannyń taqyryptaryn emes, jalpy mektep baǵdarlamasyn qamtıdy. Aıtpaqshy, sońǵy jyldary faktologııalyq materıaldy jattaý men este saqtaýǵa emes, fýnksıonaldyq saýattylyqqa baılanysty suraqtardyń úlesi artyp keledi», dedi D.Smaǵulov.
Ortalyq basshysy osyǵan qosa UBT-ny ótkizý burynǵy formatta qalatynyn, alaıda qosymsha sanıtarlyq shekteý sharalary engiziletinin atap ótti. Al karantın uzartylǵan jaǵdaıda UBT-ny ótkizýdiń balama nusqasy daıyndalyp jatyr.
