Sondaı jandardyń biri áshekeı buıymdar jasaıtyn jas sheber – Merýert Asqarova. Búginde súıikti isin kásipke aınaldyryp, onlaın kýrstar arqyly tájirıbesimen de bólisýde.
Merýert nebári 24 jasta. Eki balanyń anasy. Shyny kerek, qazirgi ýaqytta áshekeılerge tapsyrys berýshiler azaıǵan. Degenmen, sheberge bul kedergi emes. «Atameken» kásipkerler palatasy janynda uıymdastyrylǵan «Jas kásipker» kýrsyn támamdap, grant utyp alǵan bolatyn. Soǵan arnaıy qurylǵylar satyp alyp, úıde oqshaýlanyp otyrǵan qyz-kelinshekterge sabaq berýdi bastap ketken.
–Onlaın sabaqqa Qazaqstannyń túkpir-túkpirinen, ár qalalarynan qatysyp jatyr. Aptasyna 6 ret ótkizemin. Jumys istegen kezde Koreıanyń, Italııanyń fýrnıtýralaryn paıdalanamyn. Ár kásipker óz isin súıip jasasa, onyń nátıje bereri anyq. Qazir onlaın kýrsyma keminde 20 qyz jazylýda,–deıdi jas kásipker Merýert Asqarova.
Merýert 4 jyl ishinde osyndaı áshekeı buıymdardyń eki myńǵa jýyǵyn jasap úlgergen. Ony ınstagram qoldanýshylary áleýmettik jelide Mika_Kameli dep tanıdy. Onlaın sabaqtardy da osy paraqsha arqyly ótkizedi. Áshekeı buıymdary kózdiń jaýyn alady. Túrli alqalar, syrǵa júzikter, shashqa arnalǵan buıymdar bári de erekshe úlgide jasalǵan.
