Aımaqtar • 24 Sáýir, 2020

Qostanaı oblysy: Keıbir tulǵalarǵa jeńil kólikpen júrýge ruqsat berildi

470 ret

kórsetildi

1 mın

oqý úshin

Karantın tártibi engizilgeli aımaq turǵyndaryna óz menshigindegi jeńil kólikpen qozǵalýǵa tyıym salynǵan. Búgin oblystyń bas sanıtarlyq dárigeri Vladımır Nechıtaılo bul talapqa ózgeris engizdi. Bas sanıtar qabyldaǵan № 14 qaýlyda «Qostanaı oblysynyń qala, aýdandary men aýyldyq eldi mekenderinde keshki saǵat 22.00 men 06.00 aralyǵynda jeke jeńil kólik qozǵalysyna tyıym salynady.

Nurqanat QULABAEV

Qostanaı oblysy: Keıbir tulǵalarǵa jeńil kólikpen júrýge ruqsat berildi

Qalǵan ýaqytta kóktemgi egis jumystaryn júrgizip jatqan dıqandarǵa, memlekettik tirkeýde turǵan omartashylarǵa, fermerlerge, nesıelik seriktestikter men sharýashylyq júrgizý quqyǵyndaǵy memlekettik kommýnaldyq kásiporyn ókilderine ruqsat etiledi» delingen.

Sonymen qatar ózdiginen júrip-tura almaıtyn naýqastarǵa, qarttarǵa, múmkindigi shekteýli jandarǵa, emdeý sharalaryna muqtaj naýqastarǵa qamqorlyq, kútim jasap júrgen azamattar da kúndiz jeke jeńil kóligimen júre alady. Olar ózimen birge medısınalyq mekeme bergen ruqsat qaǵazyn alyp júrýi kerek.

Qalǵan kólik quraldary О́ńirlik jedel shtabtyń ruqsaty boıynsha ǵana qozǵalady.

Qostanaı oblysy