Qazir úı karantıninde jatqan erli-zaıyptylardyń biri densaýlyq saqtaý basqarmasy baspasóz qyzmetiniń ókilderimen sóılesti.
- Anıa (esimi ózgertildi), úıdesizder me?
- Iá, úıge keldik. Dárigerlerge Qudaı qýat bersin.
- Qazir jaǵdaılaryńyz qalaı?
- Jaǵdaıymyz tamasha! Aýyryp jatqan kezde de kóńil-kúıimiz jaqsy
boldy.
- Biraz ýaqyt úıde bolmadyńyzdar. Saǵynyp qalǵan bolarsyzdar? Qalaı ýaqyt ótkizip jatyrsyz
- Úıge jetisimen kúıeýime kapýchıno men býterbrod jasap berdim. О́zim qazirshe kóp eshteme jegen joqpyn. Baýyrym sál aýyryńqyraıdy. Vırýstyń nemese dáriniń saldary shyǵar.
- Úıde qansha ýaqyt bolmadyńyzdar?
- Úıde bolmaǵanymyzǵa bir jarym aı ótti ǵoı. Aýrýhanadan shyqqan soń, úıge bir túrli tolqyp, tosyrqap kirdik. О́z úıiń, óleń tósegińe ne jetsin! Sońǵy bir jarym aı bizge erkindik pen ómirdi qalaı baǵalaý kerektigin úıretti. Bul pafos emes. Kóp nárseni basymyzǵa túsken soń ǵana túsindik.
- Barlyq páleket osymen ketsin. Aldaǵy kúnderińiz shýaqty bolsyn!
- Rahmet! Qazir úı karantınindemiz. Osy merzim bitken soń, bári jaqsy bolady. Shynymdy aıtsam, qazirdiń ózinde de kóńil-kúıimiz óte jaqsy.
- Dárigerler indet juqtyrǵanyńyzdy anyqtaǵan kúni qandaı kúıde boldyńyz? Bálkim renjigen de bolarsyz. Búginge deıin ne ózgerdi?
- Aıtpańyz, ne bolǵanyn túsine almaı, birden eseńgirep qaldyq. Ekiudaı sezim bılep aldy – ózimiz sap-saý sııaqtymyz, al dárigerler aýrýsyń deıdi. Indet jeńil túrde ótken soń, solaı bolǵan shyǵar. Vırýsty der kezinde anyqtap, kún-tún demeı bizdi emdep shyǵarǵan dárigerler men medbıkelerdiń kásibı sheberligine tántimiz. Emdeý sharalaryn shuǵyl bastap keken aq halatty abzal jandarǵa alǵysymyz sheksiz. Bári basqasha bolýy da múmkin edi ǵoı. Eger dárigerler sol sátte aýrýhanaǵa jatqyzyp, birden emdeı bastamaǵanda,múldem basqasha bolatyn edi. Ne bolatynyn oılasam, áli kúnge deıin tula boıym túrshigip ketedi.
Biz basynda basymyzdan ótip jatqan jaǵdaıdy durys túsinbedik. Jumsartyp aıtqanda, bárine renishti boldyq. О́ıtkeni kele salyp oqshaýlandyq, odan karantın bastaldy, artynsha ınfeksııalyq bólimge tústik. Artynsha aqylǵa keldik. О́z ómirimizdiń qaýipsizdigin oılaı bastadyq. Áıteýir dárigerlerdiń barlyq talaptaryn buljytpaı oryndadyq. Bulaı etpegen jaǵdaıda biz qanshama adamnyń ómirin qaýipke tiger edik. Muny qazir oılaǵym da kelmeıdi. Tezirek bári umytylsa eken!
Qostanaı oblysy
