2017 jyly Makınka aýylyndaǵy dárigerlik ambýlatorııa ǵımaratyna kúrdeli jóndeý júrgizilgen. Jóndeý jumysyna oblystyq bıýdjetten 61 mıllıon teńge qarajat jumsalǵan. Qazir munda 18 medısına qyzmetkeri jumys isteıdi. Densaýlyq saqtaý mekemesi 3 myńnan astam adamǵa qyzmet kórsetedi.
–Bizge kelgen naýqastardy ár topqa bóletin beket bar. Sondaı-aq, koronavırýstyq ınfeksııaǵa taldaý jumystaryn júrgizemiz, ári qaraı osy taldaý úlgilerin Kókshetaýdaǵy vırýsologııalyq zerthanaǵa jiberemiz,–deıdi birjan sal aýdandyq aýrýhanasy bas dárigeriniń mindetin atqarýshy Marat Dosetov.
Budan keıin oblys ákimi Ermek Marjyqpaev Makınka aýylyndaǵy «Meıirim» arnaýly áleýmettik qyzmet kórsetý ortalyǵynda boldy. Qazirgi tańda munda qamqorlyqqa alynǵan 80 adam turady. Bul ǵımarat sonaý 1912 jyly salynǵan. Al, búginde jańa ǵımarat salý úshin 3 mıllıard teńge qajet eken.
Odan soń oblys ákimi «Progress» sharýa qojalyǵynyń qulpynaı ósiretin jylyjaıynyń da jumysymen tanysty. Oblystaǵy biregeı joba ótken jyly iske qosylǵan. Ol 5 tonna jıdek ósire alady. О́ńir basshysy sharýashylyq jumysyn joǵary baǵalady. Sondaı-aq, Ermek Marjyqpaev Makınsk qus fabrıkasynyń 2-shi kezeńi qurylysynyń barysymen tanysty. Jobanyń quny 15 mıllıard teńge. О́tken jyly jer qazý jumystary jáne qus qoralarynyń irgetasy ornatyldy. Bıyl broıler ósirý úshin árqaısysynda 12 qus qoradan turatyn taǵy 4 alań salynady dep jasparlanǵan.
–Jaqsy kásiporyn. Makınsk qus fabrıkasynyń seriktesteri de myqty. Ásirese, qazirgi koronavırýs derti ýshyqqan kezde, kompanııa kómek kórsetýde. Olar Aqmola oblysyna tegin eki apparat berdi,–deıdi oblys ákimi Ermek Marjyqpaev.
Oblys ákimi Ermek Marjyqpaev Makınsk qus fabrıkasynyń jem zaýytynyń jumysymen de tanysty. Jobanyń quny 3 jarym mıllıard teńgeden astam. Bul zaýyt broılerler úshin tolyq rasıondy qurama jemmen fabrıkanyń qajettiligin qamtamasyz etedi.
