Bir ǵana batyrlardyń saýyt-saımanyń jasaý úshin jarty jyl ýaqytyn jumsapty. Qazir bul týyndy oblystyq Málik Ǵabdýllın mýzeıinde tur.
–Mektep jasynan beıneleý men eńbek sabaqtarynda sýret salyp, aǵashtan, metalldan túrli buıymdar jasap úırendim. Qorǵasyndy eritip, ony quıyp bir pishinge keltirip júrdim. Aǵashtan da kóp dúnıe istedim. Teri ılep, torsyq, saba jasadym. Ýnıversıtet bitirgen soń zergerlik ónerge bet burdym. Qıyn ónerdiń qyr-syryn qapysyz meńgerý úshin kóptegen ustalardan dáris aldym. Ásirese, on saýsaǵynan óner tamǵan Qurman Bazılınov degen ustadan kóp úıredim. Ol kisi maǵan metall óńdeý jóninde kóp qundy keńes berdi. Sondaı-aq, tastyń tilin túsindirdi, deıdi sheber Rústem Sháripov.
Qazirgi tańda Rústem Hasenuly Shoqan Ýálıhanov atyndaǵy Kókshetaý memlekettik ýnıversıtetinde «qoldanbaly sándik óner» páninen sabaq beredi. Iаǵnı, sheber qundy buıymdardy ózi jasap qana qoımaı, ony jas órendergede úıretip, nasıhattaýda.
Aǵash pen temirden túıin túıý – sheberdiń qoly bosta aınalysatyn súıikti isi. Al osy buıymdarǵa jumsalatyn shıkizatty ol Nur-Sultan, Almaty qalalarynan arnaıy tapsyryspen aldyrtady. Onyń qolynan týǵan kóptegen buıymdar kóne dáýirden syr shertedi. Sheberdiń aıtýynsha, buıymdardyń basty qundylyǵy da – osy. Ol aldaǵy ýaqytta óziniń jeke óner kórmesin ótkizýdi josparlap otyr.
