Osy joly tájik-aýǵan shekarasyndaǵy áskerı is-qımyldarǵa qatysýshylar oblys ortalyǵyndaǵy az qamtylǵan jáne kópbalaly otbasylaryna kómek kórsetti. Jany jomart, júregine meıirim uıalaǵan jerlesterimiz búgingideı qıyn kezeńde halyqtyń áleýmettik turǵydan osal tobyna qajetti degen azyq-túlik ónimderin satyp alyp, úıdi-úıge taratýdy qolǵa aldy. Aksııa aıasynda 35 otbasyna kómek kórsetilmek.
– Shamamyz kelgenshe qoldaý kórsetemiz. Búgin 25 otbasyna qajetti ónimderdi jetkizemiz dep otyrmyz. Al, erteń taǵy 10 otbasyn qamtımyz,–deıdi «Tájik-aýǵan áskerı is-qımyldaryna qatysýshylar» respýblıkalyq qoǵamdyq birlestigi fılıalynyń tóraǵasy Qaıdar Bákirov.
Atalǵan aksııa el birligin bekemdeı túsýge zor yqpal etýde. Eń qajetti degen azyq-túlik qory men balalar úshin alynǵan tátti-dámdiler, ásirese kópbalaly otbasylardyń qıyndyqty eńserýine zor demeý. Qaıyrymdylyq sharasynyń sharapaty altyn qursaqty ana, alty balany bir ózi tárbıelep otyrǵan Asera Álimqanovanyń otbasyna da tıdi.
Koronavırýs indetin birigip qımyldasaq qana jeńemiz. Atalǵan aksııa sonyń birden-bir kýási. Tek karantın rejımin qatań saqtaý qajet.
Kókshetaý qalasy
