Erikti Erbol keıbir kópqabatty úılerdiń mańaıyna durys dezınfeksııa jasalmaıtynyn baıqaǵan. Turǵyn úı kooperatıvteri tótenshe jaǵdaı kezinde moıyn bura qoımaǵan osy jumysty bir ózi atqarmaq bolyp qala ákimi Amangeldi Smaıylovqa arnaıy hat jazyp, dezınfeksııa quraldaryn suraǵan. Qala ákimdigi eriktiniń el jaǵdaıyn oılaǵan nıetine qoldaý kórsetip, barlyq qajetti jabdyqtarmen qamtamasyz etken. Erbol turǵyn úı ınspeksııasynan da jumysy durys júrgizilmeı jatqan úılerdiń tizimin alady. Máselen, Abaı, M.Ǵabdýllın, M.Áýezov kóshelerinde de mundaı úıler bar.
Eńbegin jarnamalaýdy jany súımeıtin Erbol bul týraly jazbaýymyzdy ótindi. О́z qareketin aıryqsha eńbek dep sanamaıdy. Bizdińshe, kópke ónege bolý úshin aıtýǵa ábden laıyq is. Elgezek Erbol birneshe egde, múgedek jáne áleýmettik jaǵynan az qamtylǵan otbasylarǵa azyq-túlik sebetterin aparyp beripti.
Árqaısymyz Erbol tárizdi janashyr bolsaq, bizdi eshbir qaýip qorqyta almaıdy.
Kókshetaý qalasy
