Án sózin jazǵan Kókshe óńirine tanymal aqyn, sal-serilik dástúrdi jalǵastyrýshy Iran sal Tasqara. Áýeni sazger Erlan Tashevtiki. Qalanyń shyǵarmashyl zııaly qaýymy tótenshe jaǵdaı kezinde kókshetaýlyqtardy qoldaý maqsatynda osy ánge beınebaıan túsirip, halyqty sabyrlyqqa jáne birlikke shaqyrýda. «Jasa, Kókshetaýym» áni qalalyq mádenıet bóliminiń suraýy boıynsha 1998 jyly jazylǵan.
– О́leń shýmaqtaryn jarty saǵattyń ishinde qaǵaz betine túsirgen edim,– dep eske alady búginde Iran sal Tasqara.
Atasynyń týǵan jeri Kókshetaý óńirine qonys aýdarýy bul óleń joldarynyń kókirekten quıylyp túsýine sebep bolǵan eken. О́leńniń jyp-jyly bolyp, janyńdy shýaqtandyratyn sáýlesi az emes. Ár sózdiń astaryndaǵy oı týǵan jerdiń qasıetin asqaqtatyp turǵandaı. Al, sazger Erlan Tashev ár notada patrıottyq sezim men birlikti, yntymaqtastyqty jetkizýge tyrysypty. Ándi jobalap oılastyryp, úlgilerin jasaýǵa bir apta ýaqyt ketken. Sońynda táp-táýir týyndy dúnıege keldi.
– Ol kezde jaǵdaı qıyn bolatyn. Qalanyń oblys ortalyǵy degen mártebesi joq edi. Jaryq joq, joldar nashar, jumys kózi de tapshy. Kásiporyndardyń jumysy irkilgen. Sol kezde halyqtyń rýhyn qalaı da kóterý kerek boldy. Mahabbat týraly jazý ońaı. Otanǵa degen mahabbatty jetkizý qıyn. Jergilikti ánshi Bıbigúl Ysqaqova bul ándi shyrqaǵanda adamdardyń kózine jas keletin,–deıdi sazger Erlan Tashev.
Eldegi jarııalanǵan tótenshe jaǵdaı shyǵarmashylyqty onlaın formatqa aýystyrdy. Bul qıyn kezeńde kókshetaýlyq aýdarmashy Baqyt Muhamedrahımova «Jasa, Kókshetaýym» ánin eske alyp, qala halqynyń rýhyn kóterý maqsatynda óleńdi orys tiline aýdaryp, beınebaıan túsirilimin uıymdastyrdy.
Án áýeni, mazmuny men mańyzy kóńilge medeý, dátke qýat.
Kókshetaý qalasy
