Tótenshe jaǵdaı rejıminiń birinshi aptasynda sottar kún saıyn myńǵa jýyq isti nemese barlyq sot otyrysynyń 50%-yn qashyqtan qarady. Sáýir aıynyń alǵashqy onkúndiginde kún saıyn 2 myńǵa jýyq onlaın otyrys ótse, qazir kúnige 4,5 myńǵa jýyq proses ótip jatyr. Salystyrmaly túrde aıtsaq, 2018 jyly sotta kún saıyn beınebaılanys arqyly – 40, 2019 jyly – 110, 2020 jyly karantınge deıin kúnige 150 otyrys ótken.
Karantın sottarda elektrondyq qujat aınalymynyń ósýine yqpal etti. Kúndelikti qashyqtan ótkiziletin sot otyrysynyń sany 150-den (15 naýryz) 2 myńǵa deıin (8 sáýir), ıaǵnı 13 ese ósti.
