О́tken eki apta ishinde óńirde qýraǵan shópterdi kúıdirýdiń 12 deregi jáne bir orman órtiniń oqıǵasy tirkeldi. Tórt fakti boıynsha úsh jeke jáne bir laýazymdy tulǵa ákimshilik jaýapkershilikke tartyldy. О́tken jyly 56 orman, 2 dala órti oryn alǵan bolatyn. Qýraǵan shópti kúıdirýdiń 125 deregi de tirkelipti. Olardyń basym bóligi adamdardyń salǵyrttyǵynan oryn alǵan.
–Orman alqaptaryndaǵy órt qaýpiniń aldyn-alý úshin jedel áreket etetin arnaıy top quryldy. Budan bólek, úsh aýdanda «Qazavıaormanqorǵaýdyń» tikushaq toby ornalasqan. Olar bes aýdannyń aýmaǵyndaǵy orman alqaptaryn baqylaıdy. Sonymen qatar, tótenshe jaǵdaılar jónindegi komıteti órt qaýpi kezeńinde iri alqaptarda tabıǵı órt shyǵa qalǵan mezette sóndirý úshin Kókshetaý qalasynyń áýejaıyna MI-28 iri kólik tikushaǵyn jasaqtap qoıdy,–deıdioblystyq tótenshe jaǵdaılar jónindegi departamenti bastyǵynyń orynbasary Manarbek Shapaǵatov.
Kók munarly Kóksheniń basty baılyǵynyń biri sanalatyn ormanǵa abaı bolǵan jón-aý.
Aqmola oblysy
