Eń keremet opera jáne balet qoıylymdaryn, spektaklderdi, klassıkalyq jáne zamanaýı mýzyka konsertterin, sonymen qatar ekspozısııalardy onlaın rejıminde kórýge bolady.
Bul erekshe jaǵdaıǵa baılanysty óner óziniń qundylyǵyn joǵaltpaıdy. Onyń qudireti de osynda. Osylaısha siz kez-kelgen kórme nemese konsertti ózińizge yńǵaıly ýaqytta tamashalaı alasyz.
Elorda ákimdiginiń resmı saıty teatr kórermenderine, mýzyka men óner súıer qaýymǵa, qaladaǵy onlaın mádenı sharalar kestesin usynady.
Táýelsizdik saraıynda birneshe kórme ótedi.
1.«Álem kımono sheberi Itıký Kýbotanyń kózimen» atty Kúnshyǵys eliniń halyqaralyq kórmesi.
Itıký Kýbota - japondyq áıgili keskindeme jáne toqyma sheberi. Ol óziniń jeke ádisi – boıaǵyshtardy, keste jáne jibek tigisterdi qoldanýdyń kúrdeli prosesin jasady. Sheberge árbir kımonony jasaý úshin bir jylǵa jýyq ýaqyt ketedi. Siz myna siltemeni basý arqyly sheberdiń jumystaryn tamashalaı alasyz.
2. «Napoleon, ómir, ańyz» kórmesi.
Ekspozısııada 300-ge jýyq eksponat, onyń ishinde Napoleon dáýiriniń kórkem shyǵarmalary men qoljazbalary usynylǵan.
3. Táýelsizdik saraıynyń qabyrǵasynda ótken «Bilim» fotokórmesi qazirgi bilim, mektep oqýshylary men olardyń muǵalimderiniń jetistikteri týraly baıandaıdy.
7. «Qulanshy» qazirgi zamanǵy óner ortalyǵy sýretshi, kýrator jáne galereıa ıesi Leıla Mahat óz týyndylary men oılary bar vırtýaldy ekspozısııasyn usynady. Zamanaýı qazaqstandyq sýretshiniń álem shyndyǵyna kózqarasy týraly mańyzdy rolık.
