О́ıtkeni alǵash óńirlik jedel aqparat shtaby zeınetkerdiń indetten kóz jumǵanyn málimdep: «20 sáýir kúni qan qysymy kóterilip ketken soń, zeınetker úıine dáriger shaqyrtqan. Ýchaskelik dáriger keıýananyń tynys alýy aýyrlap, ókpesi qabynǵanyn anyqtap pnevmonııa degen dıagnoz qoıady. Alaıda zeınetkerdiń uly anasyn aýrýhanaǵa jatqyzýdan bas tartqan. 25 sáýir kúni naýqastan alynǵan taldaý qorytyndysy shyǵyp, COVID-19 dıagnozy anyqtalady. Sol kúni zeınetker úıinde jatyp kóz jumady. Naýqaspen baılanysta bolǵandar anyqtalyp jatyr» - degen resmı aqparat taratqan.
Artynsha jedel shtab bul aqparattyń jańsaq bolýy múmkin ekenin, zeınetker qazasynyń sebebin túbegeıli anyqtaý úshin arnaıy komıssııa qurylǵanyn habarlady.
Habarlamada: «QR Densaýlyq saqtaý mınıstriniń tapsyrmasy boıynsha Qazaqstannyń barlyq óńirinde Densaýlyq saqtaý basqarmalary janynan koronavırýsty juqtyrǵan naýqastardyń ólim jaǵdaıyn zertteý jónindegi komıssııalar quryldy.
Komıssııa naýqas óliminiń tikeleı sebepterin anyqtaý úshin medısınalyq qujattamaǵa taldaý júrgizedi.
Arqalyqta úıinde qaıtys bolǵan 84 jastaǵy naýqasqa qatysty taldaý jumystary 27.04.2020 j. júrgiziledi.
Komıssııa jumysynyń qorytyndysy boıynsha naýqas óliminiń tikeleı sebebi anyqtalady.
Búginde naýqas týraly barlyq qajetti medısınalyq qujattar Arqalyq qalalyq emhanasynan jáne oblystyq jedel járdem qyzmetinen suratylǵan. Taldaý nátıjeleri keıinirek qosymsha jarııalanady» dep jazylǵan.
Qostanaı oblysy
