«Soǵys. Jeńis. Estelik» jáne «Eshkim de, eshnárse de umytylmaıdy» dep atalatyn jınaqtarǵa óńir muraǵattarynyń málimetteri ǵana emes, sonymen qatar, búginge deıin belgisiz bolyp kelgen shetelderdegi derekter de qamtylǵan.
Jańa kitaptardy óńir muraǵatymen aınalysatyn mamandar eki jyl ishinde jınaqtap shyǵarǵan. Jınaqtarǵa Uly Otan soǵysy kezeńindegi málimetter, muraǵat qujattary men fotosýretter, Keńes Odaǵynyń batyrlary týraly aqparattar engizilip otyr.
– Bul jınaqtardy shyǵarýdaǵy maqsatymyz – keleshek urpaq el qorǵaǵan ata-babalarynyń erligin umytpaýy kerek degen oı. Kitaptar ázirge 50 danadan ǵana shyǵaryldy,– deıdi oblystyq memlekettik muraǵatynyń bólim jetekshisi Gúlim Rahymjanova.
Barlyǵy óńir muraǵattary men kitaphanalaryna taratylady. Jańa kitaptardyń elektrondyq nusqalary da bir aptadan keıin ǵalamtor betterinde jarııalanbaq. Olardy memlekettik muraǵat saıtynan, ıýtýb, feısbýk, ınstagram betterinen oqyp kórýge bolady.
