Bir saǵatqa sozylǵan tikeleı efır kezinde oblystyq partııanyń resmı paraqshalary facebook 500-ge jýyq, al Instagram-ǵa 300-den astam jeli qoldanýshylary qosyldy. Facebook-ke barlyǵy 113 suraq tússe, Instagram-ǵa 273 suraq, usynys-pikir qaldyryldy. Tikeleı efır barysynda Elýbaı Jaqaıuly barlyǵy 143 turǵynnyń suraǵyna tushymdy jaýap berdi. Sondaı-aq efırden soń qoıylǵan suraqtar jaýapsyz qalmaıdy, al usynystar men pikirler mindetti túrde eskeriletin bolady.
Suraqtardyń deni áleýmettik kómek alýshylar tiziminde bar nemese joq ekendigin bilý, beriletin qarjy ne sebepti tek Aqtaý men Jańaózen qalalarynyń turǵyndaryna tıesili ekendigi, tótenshe jaǵdaı kezinde 50 myńnan bólek 42 500 jáne 15 000 teńgeni qalaı alýǵa bolatyndyǵy týraly qoıyldy. Áleýmettik jelidegi tikeleı efırdi respýblıkalyq «Astana» telearnasy túsirdi.
Tikeleı efırde Elýbaı Ábilov «Respýblıkalyq «Birgemiz» qorynan bólingen qarajat jeti sanat boıynsha 6487 adamnyń shotyna Aqtaý qalasy boıynsha 4374, al Jańaózen qalasy boıynsha 2113 adam 50 000 teńge kóleminde qarajat tolyǵymen aýdaryldy. «Birgemiz» qorynan jeti sanat boıynsha kómek aldy. Olar: az qamtylǵan kóp balaly otbasylar, I – toptaǵy múgedekter, múgedek balany tárbıelep otyrǵan otbasylar, jalǵyz basty zeınetkerler, jetim balalar (onyń ishinde: tuldyr jetim balalar men asyraýshysynyń birinen aıyrylǵan balalar), Uly Otan soǵysyna qatysýshylar jáne múgedekter, olarǵa teńestirilgender jáne tyl ardagerleri. «Birgemiz-Mangystau» qoǵamdyq qorynan kómek alýshylardyń tizimderi jergilikti ákimdikter jasaqtady. Ár bankten kómek alýshylardyń shottarynyń jaǵdaıy naqtylandy. Arestke túsip qalǵan shottarmen der kezinde jumystar júrgizildi. Bir adamnyń birneshe sanatta qaıtalanýyn boldyrmaý maqsatynda barlyq sanattar boıynsha adamdardyń aty-jónderi muqııat tekserýden ótti. Tizimge alynǵan adamdardyń aqsha aýdarý kezeńinde qaıtys bolyp ketý jaǵdaılary bolý – bolmaý máselesine oraı kúndelikti zeınetaqy tóleý memlekettik ortalyǵynyń bazasymen kúnde aqparat almasý jumystary júrgizildi. 50 000 teńge máselesimen baılanysqa shyqqan turǵyndarǵa partııa fılıaly qyzmetkerleri naqty túsindirip, jaýap berilýde», - dedi.
Sonymen qatar Elbasy, «Nur Otan» partııasynyń Tóraǵasy Nursultan Nazarbaevtyń tapsyrmasy boıynsha, «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary aıasynda mesenattar, kásipkerler men belsendi azamattardyń qoldaýynyń arqasynda búginge deıin 2704 otbasyǵa (35 108 650 teńge kóleminde), birinshi kezektegi azyq-túlik sebet pen medısınalyq maskalar, antıseptıkalyq quraldar satyp alyndy. Áleýmettik kómekti partııalyqtar men «Jas Otan» volonterlary arqyly halyqtyń turmysy tómen áleýmettik tobyna baılanyssyz taratý jolymen berildi. Sonymen qatar «Nur Otan» partııasy Mańǵystaý oblystyq fılıalynyń qyzmetkerleri ózderiniń bir kúndik jalaqylaryn aýdarǵany týraly oblystyq partııanyń birinshi orynbasary aıtty.
«Birgemiz» respýblıkalyq aksııasy bastalǵaly áleýmettik jelilerde aqparattar turaqty jarııalanyp otyr. Sonymen qatar jergilikti buqaralyq aqparat quraldary (telearna, radıo, gazetterinde) turǵyndardy qulaqtandyrý maqsatynda sıýjet, maqala, suqbattar berilýde. Mańǵystaý oblystyq telearnasyndaǵy bir saǵat tikeleı efırde ótken «Mámile» habaryna «Birgemiz-Mangystau» óńirlik qorynyń quryltaıshysy Aıat Súgirbaı qatysyp, turǵyndarǵa qor týraly aqparat berdi. Sonymen qatar «Nur Otan» partııasy Mańǵystaý oblystyq fılıalynyń qoǵamdyq qabyldaý bólmesiniń meńgerýshisi Muhambet Jaılybaev «Jol baıan» radıosyna «Qoǵam tynysy» baǵdarlamasyna qatysyp, turǵyndardyń kókeıinde júrgen suraqtarǵa naqty jaýap berdi.
«Birgemiz-Mangystau» qoǵamdyq qorynyń áleýmettik jelilerde (feısbýk, ınstargamm) paraqshalary jáne saıty ashyldy.
Tikeleı efırde Elýbaı Jaqaıuly respýblıkalyq «Birgemiz» qorynan berilip jatyrǵan 50 000 teńge boıynsha áleýmettik jeliler (feısbýk, ınstagram paraqshalaryna) jáne baılanys telefony, ýatsapqa turǵyndardan oblys boıynsha kúnine 100-den astam ótinishter kelip túsetinin, partııa tarapynan ótinishter jedel qaralyp, kómek kórsetiletinin aıtty.
Mańǵystaý oblysy
