«Qazaqfılm» Uly Otan soǵysyna arnalǵan fılmderdi kórsetilimge shyǵardy

Soǵystyń alǵashqy jyldary Reseıdiń eýropalyq bóligindegi kásiporyndar Qazaqstanǵa kóshirildi. 1941 jyly «Mosfılm» men «Lenfılm» keńestik Almatyǵa qonys aýdardy. Olardy Almaty kınostýdııasymen biriktirý nátıjesinde Ortalyq Birikken Kınostýdııasy (SOKS) qurylyp, 1944 jylǵa deıin KSRO-nyń barlyq kórkem fılmderiniń 80% túsirildi.

О́kinishke oraı, jyl saıyn jaýǵa qarsy kúreste ózindik úlesin qosqan Ekinshi dúnıejúzilik soǵys ardagerleri azaıyp keledi. Beıbit zamanda adamdar ómirdiń qundylyǵyn árdaıym este saqtaýy úshin sol jyldardaǵy qorqynyshty oqıǵalardy umytpaǵany mańyzdy. Kıno – taǵdyrlary soǵyspen tuspa-tus kelgen adamdardyń tarıhyn tereńnen tolǵaıdy. Bul bizge ǵasyrlar boıy mıllıondaǵan adamdardyń qasiretin umyttyrmaıdy.

– Uly Jeńistiń 75 jyldyǵy qarsańynda «Qazaqfılm» kınostýdııasy óziniń youtube-arnasyna ár jyldary túsirilgen Uly Otan soǵysy týraly fılmder toptamasyn ashyq kórsetilimge shyǵardy. Toptamanyń ishinde Májıt Begalın, Abdolla Qarsaqbaev, Oraz Ábishev, Nurmuhan Jantórın jáne t.b klassıkterdiń shedevrleri jınalǵan 20 fılm bar. Biz kórermenderdi Jeńis kúnin jaqyndatqan batyrlardyń erlikterin taǵy bir ret eske túsirýge shaqyramyz» - dedi Sh.Aımanov atyndaǵy «Qazaqfılm» AQ prezıdenti Arman Ásenov.

Kórermen 27 sáýirden bastap youtube-taǵy «Qazaqfılmniń» resmı arnasynan myna siltemege ótip: tómendegi fılmderdi tamashalaı alady:

1. «Vo ımıa Rodıny» kórkem fılmi (Ortalyq Birikken Kınostýdııasy, rej: Dmıtrıı Vasılev, Vsevolod Pýdovkın, 1943 j.);

2.     «Jdı menıa» kórkem fılmi (Ortalyq Birikken Kınostýdııasy, rej: Aleksandr Stolper, Borıs Ivanov, 1943 j.);

3.     «Ana týraly ańyz» kórkem fılmi (rej: Aleksandr Karpov, 1963 j.);

4.     «El basyna kún týsa» kórkem fılmi (rej: Májıt Begalın, 1967 j.);

5.     «Mánshúk» kórkem fılmi (rej: Majıt Begalın, 1969 j.);

6.     «Orman balladasy» (rej: Nurmuhan Jantórın, Soı Gýk In, 1972 j.);

7.     «Tel ósken ul» (rej: Shárip Beısembaev, 1977 j.);

8.     «Soǵystyń sońǵy jyly edi» kórkem fılmi (rej: Amangeldi Tájibaev, 1983 j.);

9.     «Balalyqtyń kermek dámi» kórkem fılmi (rej: Abdolla Qarsaqbaev, 1983 j.);

10.    H/f «Álııa» kórkem fılmi (rej: Bolot Shamshıev, 1985 j.);

11.    H/f «Meniń ápkem Lıýsıa» kórkem fılmi (rej: Ermek Shynarbaev, 1985 j.);

12.   H/f «Panteranyń sekirisi» kórkem fılmi (rej: Leıla Aranysheva, 1986 j.);

13.   H/f «Tuzdykól jaǵasyndaǵy úı» kórkem fılmi (rej: Asanáli Áshimov, Igor Vovnıanko, 2004 j.);

14.   «Álııa» derekti fılmi (rej: Iý.Pıskýnov, 1970 j.);

15.    «Talǵat Bıgeldınov» derekti fılmi (rej: Oraz Ábishev, 1979 j.);

16.   «Jeńis soldaty» derekti fılmi (rej: A.Álpıev, 1980 j.);

17.   «Qazaqstan Uly Otan soǵysy jyldarynda» derekti fılmi (rej: A.Nuǵymanov, 1985 j.);

18.    «Asyǵa kútken Jeńis» derekti fılmi (rej: A.Nuǵymanov, 1985 j.);

19.    «Qazaqtyń Baýyrjany» derekti fılmi (rej: Q.Omarov, 2010 j.);

20.     «Batyr Bıgeldınov» derekti fılmi (rej: Almas Ábdikov, 2011 j.).

Esterińizge sala keteıik, toptama «Uly Jeńistiń 75 jyldyǵy» pleılıstine resimdelgen.