Qazir úıde otyrǵandar «Men úıdegi karantındemin» dep atalatyn mobıldik qosymsha arqyly baqylanady. Qosymshany 21 sáýirden beri 370 adam ornatqan. Turǵyndardy qosymsha arqyly baqylaýmen Qostanaı medısınalyq kolledji bazasynda qurylǵan call-ortalyq aınalysyp jatyr. Qaladaǵy emhanalardyń medısınalyq qyzmetkerlerinen jasaqtalǵan 22 maman tizimdegi barlyq azamatqa kún saıyn qońyraý shalyp, jalpy jaǵdaıy týraly bilip otyrady.
«Kún saıyn 1100 adamǵa qońyraý soǵylady. О́ıtkeni qalǵan 18-ge tolmaǵan 170-teı jetkinshekten áldene talap etýge quqyǵymyz joq. Sondaı-aq, 50 jastan asqan 300-den astamdy da jalpy tizimnen alyp tastadyq. Kóbiniń smartfon ustamaıtyny eskerildi. Sonyń ózinde, biz habarlasqan 170-teı turǵyn baılanys aıasynan tys bolady. Mundaı nómirlerdi polısııaǵa joldaımyz. Ortalyqqa nómir qate berildi me, álde qasaqana jaltara ma – onymen tártip saqshylary shuǵyldanady», - deıdi oblystyq Densaýlyq saqtaý basqarmasynyń bólim basshysy Ánýar Edrısov.
Bul qosymshanyń jetildirýdi qajet etetin tustary da joq emes. Máselen, muny kóshirip alǵan adam avtomatty túrde GPS-baqylaýǵa alynady da, eger asúıden balkonǵa shyqsańyz, «úıden uzamańyz» degen eskertý keletin kórinedi. Sondyqtan basqarma basshylyǵy qosymshany jasaýshy «SMART Qostanay» mamandaryna GPS-baqylaý aıasyn 150-200 metrge deıin keńeıtýge usynys jasady.
Bul pılottyq joba eń áýeli Nur-Sultan qalasynda iske qosylǵan bolatyn.
Qostanaı oblysy
