Aksııaǵa at salysqan olar Taldyqorǵan qalasyndaǵy zeınetkerlerge, kóp balaly áýletterge jáne az qamtylǵan otbasylarǵa áleýmettik qoldaý kórsetti.
- Biz halyqtyq aksııany úlken yqylaspen qoldaımyz. Taldyqorǵan qalasynda turatyn kóp balaly otbasylar men zeınetkerlerge, ómirdiń qıyn jaǵdaıyna tap bolǵan jalǵyz basty analarǵa azyq-túlikpen kómek kórsetý týraly sheshim qabyldadyq. Karantın rejımindegi tyıymdarǵa baılanysty bizdiń zeınetkerlerimiz dári jáne azyq-túlik taýarlaryn alý úshin taıaýdaǵy azyq-túlik dúkenine bara almaı qıyn jaǵdaıǵa tap boldy. Oǵan sebep, zeınet jasyndaǵy adamdarda vırýs juqtyrý qaýpiniń óte joǵary bolýy. Biz bul jaǵdaılardyń bárin eskerýge tyrystyq. Osyǵan oraı, biz aldyn ala olarǵa habarlasyp, qajetti dári-dármek pen azyq-túliktiń tizimin alyp, birinshi suranysqa ıe taýarlardy jetkizdik, - deıdi Almaty oblysy polısııa departamenti krımınaldyq polısııa basqarmasynyń bastyǵy, polkovnık Dáýren Sákenov.
Almaty oblysy
