Basqarma tarapynan, J.Talasbaevanyń jumys berýshisi kitaphana dırektory A.Orazqulovaǵa tıisti sharalar qoldaný úshin birneshe márte usynys berilgen. Basqarmanyń jaýapty mamandarynyń qatysýymen ujymdyq jınalys ótkizilgen, kitaphana basshylyǵy ár qyzmetkermen jeke profılaktıkalyq jumystaryn júrgizgen jáne Qazaq soqyrlar qoǵamynyń múshelerimen birlesip J.Talasbaevanyń is-áreketterine qatysty arnaıy jıyn ótkizgen. Alaıda, barlyq jınalys nátıjesiz qaldyrylǵan.  

J.Múlkibekovanyń J.Talasbaevanyń ústinen Basqarmaǵa jazǵan aryzyna qatysty:

Iıa, J.Múlkibekova 2019 jyldyń qarasha aıynda  Basqarma basshysyna J.Talasbaevanyń ústinen, onyń ar-namysyna jáne qadir, qasıetine til tıgizgeni úshin jumystan bosatýdy nemese tıisti shara qoldanýdy suranǵan. Alaıda, mundaı sharany qoldanýǵa QR Eńbek Kodeksine sáıkes, Basqarmanyń quzyrettiligi shekteýli bolǵandyqtan, «Jeke jáne zańdy tulǵalardyń ótinishterin qaraý tártibi týraly» Qazaqstan Respýblıkasy Zańynyń talaptaryna sáıkes, quzyrettiligi boıynsha qaraý úshin Jambyl oblystyq kózi kórmeıtin jáne álsiz kóretin azamattar kitaphanasynyń dırektoryna joldanǵan.

Nátıjesinde ujymdaǵy moraldyq-psıhologııalyq ahýaldy qalpyna keltirý baǵytynda tıisti jumystardy atqara almaǵany úshin kitaphana dırektory A.Orazqulova basshylyq laýazymynan óz ótinishi boıynsha  bosatylǵan.

2019 jyldyń qarasha aıynda kitaphanashy J.Motaeva da J.Talasbaevaǵa qatysty Taraz qalalyq sotyna júgingen. №2 qalalyq sotynyń úkimi aǵymdaǵy jyldyń 21 sáýirinde  shyqty. Alaıda zańdy kúshine engen joq.

Búgingi kúni J.Talasbaeva óz ótinishi boıynsha kezekti eńbek demalysynda. 2020 jyldyń 4 mamyrynda   jumysqa qaıta kiriskennen keıin atalǵan másele taǵy da jan-jaqty talqylanatyn bolady.