«Qurmetti qostanaılyqtar!
Keshe Qazaqstan Respýblıkasynyń Prezıdenti Qasym-Jomart Kemeluly Toqaev eldegi qazirgi jaǵdaı týraly málimdeme jasady. Memleket basshysy karantınniń shekteý sharalaryn kezeń-kezeńmen jeńildetýdi tapsyrdy.
Oblysta qalyptasqan jaǵdaıdy eskere otyryp, karantın rejimin úsh kezeń arqyly jeńildetýdi uıymdastyrý týraly sheshim qabyldandy.
Búgingi kúnnen bastap qarjy jáne saqtandyrý sektorynyń, avtojýý, turmystyq jáne uıymdastyrý tehnıkasyn jóndeý sheberhanalarynyń jumysy qaıta bastaldy. B
Saǵat 9.00-den 20.00-ge deıin aýla alańdarynda serýendeýge ruqsat etildi. Alaıda qaýipsizdińk sharalary saqtalady. Aýmaqtardy dezınfeksııalaý jumysy jalǵasa beredi.
Oblystaǵy epıdemıologııalyq jaǵdaıǵa baılanysty aldaǵy ýaqytta jumysyn bastaıtyn uıymdardyń qosymsha tizbesi anyqtalatyn bolady.
Qostanaılyqtardy alańdatatyn qazirgi másele saıajaıǵa shyǵý bolyp tur. Bul máselege qatysty sheshimdi ár óńirdegi jergilikti ákim basqaratyn jedel shtab qabyldaıdy.
Mysaly, Rýdnyı jáne Lısakov qalalarynda saıajaı ýchaskelerine barýǵa ruqsat etilgen, biraq birqatar shekteýler bar. Qostanaıda búginnen bastap jeke avtokólikpen 6.00-den 8.30-ǵa deıin saıajaıǵa barýǵa jáne 18.00-den 20.00-ge deıin saıajaıdan qaıtýǵa ruqsat etildi.
1 mamyrdan bastap TJ kezeńinde saıajaı marshrýttary jumys isteı bastaıdy, jol júrý tegin bolady.
Jeńildik engizý - sanıtarlyq normalardy umytý degendi bildirmeıdi. Osyny durys túsinýlerińizdi suraımyn. Taıaý ýaqytta qaıta ashylatyn uıymdarǵa qyzmetkerlerdiń qaýipsizdigi úshin de, klıentter úshin de úlken jaýapkershilik júkteledi.
Qurmetti jerlester, sizderden ári qaraı barlyq qajetti sanıtarlyq normalardy saqtaýdy suraımyn. О́zińizdi jáne jaqyndaryńyzdy qorǵańyzdar» dedi aımaq basshysy.
Qostanaı oblysy
