Atyraý qalasynyń 47 jastaǵy bir turǵyny kezekti týǵan kúninde dál osylaı dýmandatypty. Árıne, ol otshashýdy óziniń jeke ıeligindegi úıiniń aýlasynda túngi saǵat 22:00 shamasynda atqan. Solaı desek te, bul –kúsheıtilgen karantın talabyn buzý.
Osy derekke baılanysty Atyraý qalalyq polısııa basqarmasynyń ýchaskelik ınspektorlary týǵan ıesine QR Ákimshilik quqyqbuzýshylyq týraly Kodeksiniń 476-babymen (Tótenshe jaǵdaı rejımin buzý), sondaı-aq, 436-baby (Eldi mekenderde atys qarýynan, gazdy pnevmatıkalyq, laqtyrylatyn jáne elektrli qarýdan oq atý, pırotehnıkalyq buıymdardy qoldaný) boıynsha hattamalar toltyrdy.
Oblystyq polısııa departamenti baspasóz qyzmetiniń málimetinshe, ákimshilik hattamalar sotqa joldandy.
