«Júrgizýshi Qazaqstan - Reseı shekarasynda «Qaıraq» avtoótkelinde baılanyssyz termometrııa ádisimen tekserilgende dene qyzýy baıqalmaǵan. Biraq júk túsirý ornyna jetkende álsirep, densaýlyǵy syr bere bastaǵan soń jedel járdem shaqyrǵan. Qazir Tobyl qalasyndaǵy provızorlyq gospıtalǵa jatqyzyldy. Taldaý nátıjesi boıynsha Belorýs azamatynan COVID-19 dıagnozy anyqtaldy» - dep habarlady óńirlik jedel aqparat shtaby.
Naýqas Qazaqstan aýmaǵyna ótken soń jol boıy eshkimmen baılanyspaǵan. Júk túsirgen kezde de jergilikti turǵyndarmen jaqyn qarym-qatynasta bolmaǵan.
Sondaı-aq, Jitiqara qalasynyń provızorlyq gospıtalinde jatqan taǵy bir adamnan indet belgileri anyqtalyp otyr. Ol buǵan deıingi naýqastardyń birimen jaqyn qarym-qatynasta bolǵan. 1978 jyly týǵan er adam Jitiqara aýrýhanasynyń ınfeksııalyq bólimine aýystyryldy.
Qazir eki naýqas bekitilgen hattamaǵa sáıkes emdeý sharalarynan ótip jatyr.
Búginge deıin aımaqta COVID-19 indetin juqtyrǵan 45 adam anyqtalyp otyr.
Qostanaı
