Ekinshi kezeń boıynsha respýblıkalyq «Birgemiz» Qorynan óńirlik «Birgemiz - Mangystau» qoryna 358 mln 100 myń teńge bólindi. Barlyǵy 7162 muqtaj jandarǵa 50 myń teńgeden qarjylaı kómek kósetildi, dep habaralıdy «Nur Otan» partııasy Mańǵystaý oblystyq fılıalynyń baspasóz qyzmeti.
Mańǵystaý oblysy boıynsha Aqtaý qalasynda turatyn 3944 adamǵa jáne Jańaózen qalasynyń 3218 azamatyna qarjylaı kómek kórsetildi. 50 myń teńge áleýmettik jaǵynan muqtaj jandarǵa jeke esep shottaryna aýdaryldy. Ár bankten kómek alýshylardyń shottarynyń jaǵdaıy naqtylandy. «Birgemiz-Mangystau» qoǵamdyq qorynan kómek alýshylardyń tizimderi jergilikti ákimdikter jasaqtady. О́ńirlik qorǵa túsken qarjynyń maqsatty jumsalýy «Nur Otan» partııasy Mańǵystaý oblystyq fılıalynyń baqylaýynda bolady.
Atalǵan kómek oblys ortalyqtary men koronavırýs taralý qaýpi joǵary iri qalalardyń kómekke muqtaj turǵyndaryna kórsetildi. Osy jáıtter eskerile otyryp, respýblıkadaǵy 23 qala belgilengen. Sol 23 qalanyń tizimine Aqtaý jáne Jańaózen qalalary da bar.
Birinshi kezeńde Respýblıkalyq «Birgemiz» Qorynan óńirlik «Birgemiz - Mangystau» qoryna 324 mln 350 myń teńge bólingen bolatyn. Nátıjesinde barlyǵy 6487 muqtaj jandarǵa qarjylaı kómek kórsetildi. Onyń ishinde 4374 aqtaýlyq jáne 2113 jańaózendikter.
«Biz Birgemiz» respýblıkalyq aksııasy Mańǵystaý oblysynda qarqyndy júzege asyp jatyr. Elbasy, «Nur Otan» partııasynyń Tóraǵasy Nursultan Nazarbaevtyń tapsyrmasy boıynsha, «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary aıasynda mesenattar, kásipkerler men belsendi azamattardyń qoldaýymen búginge deıin 3142 otbasyǵa kómek kórsetildi.
Jınaqtalǵan qarjyǵa birinshi kezektegi azyq-túlik sebetteri men medısınalyq maskalar, antıseptıkalyq quraldar satyp alyndy. Áleýmettik kómekti partııalyqtar men «Jas Otan» volonterlary arqyly halyqtyń turmysy tómen áleýmettik tobyna baılanyssyz taratý jolymen berildi. Elde jarııalanǵan tótenshe jaǵdaıǵa baılanysty «Biz Birgemiz» aksııasy jalǵasyn tabady, delingen habarlamada.
