«Koronavırýs ınfeksııasy negizinen aýa-tamshyly jolmen juǵady. Máselen, maska kıip, aýyryp júrgen adam jóteledi, túshkiredi, sodan keıin kóshede qorǵanysh quralyn tastaı salady deıik. Onda jınalǵan vırýs óziniń qaýiptiligin belgili-bir ýaqyt boıy saqtap turady, osylaısha basqa adamǵa juǵýy múmkin», — dep túsindirdi vırýsolog A. Bogoıavlenskıı.
Sarapshynyń aıtýynsha, maskada vırýs 30 saǵattan astam ýaqyt saqtalady.
Vırýsologtar halyqty azamattyq belsendilik tanytyp, paıdalanylǵan jeke qorǵaný quralyn (JQQ) qaýipsiz túrde joıýǵa shaqyrady, óıtkeni kóshede jatqan kez kelgen nysan yqtımal qaýipti bolyp sanalady.
Paıdalanylǵan JQQ-ny aldymen polıetılen paketke salyp, qoqys tastaýǵa arnaıy bólingen oryndarǵa laqtyrý qajet.
Dalada maskany laqtyrǵan adam «Qalalar men eldi mekenderdiń aýmaqtaryn abattandyrý erejelerin, sondaı-aq ınfraqurylym obektilerin, qala men eldi mekenderdiń jasyl jelekterin joıý jáne zaqymdaý» týraly erejelerdi buzady, bul jaǵdaıda ákimshilik jaýapkershilikke tartylady jáne 20 AEK (55 560 teńge) kóleminde aıyppul salynady.
