Sáýir aıynyń ekinshi onkúndiginde kásipkerler palatasyna Qazaqstan omartashylarynyń «Bal-Ara» ulttyq odaǵynan ótinish túsken. Karantınge oraı osy kásip ıeleriniń eldi-mekennen alqaptarǵa kirip-shyǵýda aıtarlyqtaı qıyndyqtarǵa kezdesip otyrǵandyǵy jazylǵan hat boıynsha palata mamandary jumys istedi.
-Áriptestermen aqyldasa kele, omartashylarǵa ǵana arnalǵan onlaın-ótinim berý formasyn ázirledik. Atalmysh formada omartashynyń aty-jóni, kóligine, júrip-turatyn marshrýtyna qatysty aqparatty qamtıtyn saýaldar boldy. Siltemesin whatsapp jelisi arqyly joldap, ótinim túskennen keıin ony toltyrǵan azamattyń osy kásipppen aınalysatyndyǵyn «Bal-Ara» ulttyq odaǵymen rastap otyrdy. Nátıjesinde 16 sáýirden beri oblys boıynsha 95 omartashyny avtokólikterimen tirkedik, – deıdi kásipkerler palatasynyń bólim bastyǵy.
