2020 jylǵy birinshi toqsanynda munaı men gaz kondensatyn óndirý deńgeıi 5 929 myń tonnany qurap, 2019 jylǵy birinshi toqsandaǵy deńgeımen shamalas bolsa, munaı men gaz tasymaldaý segmenti salystyrmaly túrde turaqty, 18 517 myń tonna munaı men 28 320 mln m³ gazdy qurady. Otandyq jáne rýmyn munaı óńdeý zaýyttarynda kómirsýtek shıkizatyn óńdeý kólemi4,9%-ǵa azaıyp, 4 660 myń tonnany qurady.
-Qazir biz bárimiz kúrdeli kezeńdi bastan ótkizip jatyrmyz. Jahandyq pandemııa saldarynan kóptegen elderde adamdar, densaýlyq saqtaý júıesi jáne jalpy álem ekonomıkasy aýyr synaqtan ótýde. Búgingi tańda indettiń taralýyn boldyrmaý jáne qatań tártipti saqtaý úshin aldyńǵy shepte júrgen barlyq dárigerlerge, polısııa jáne basqa da qyzmetkerlerge alǵys bildirgim keledi. Salanyń ereksheligine qaraı, el ekonomıkasyn qoldaý qajettiligi jáne úzdiksiz óndiristik prosesti qamtamasyz etý úshin QMG óndiristik qyzmetin toqtatqan joq. Alaıda koronavırýs pandemııasy saldarynan munaı baǵasynyń kúrt tómendeýi jáne Qazaqstan óndirýdi táýligine 390 myń barrelge qysqartý jóninde sheshim qabyldaǵan munaı óndirýdi ujymdyq qysqartý týraly OPEK+ kelisimi 2020 jyldyń ekinshi toqsanynda QMG óndirisiniń shektelýine ákelýi múmkin. Ulttyq kompanııa Energetıka mınıstrligimen birlesip túrli ssenarıılerdi ázirleýde jáne QMG múddeli taraptarmen birge qajetti sharalar qabyldaıtyn bolady.
El úshin osyndaı buryn-sońdy bolmaǵan kezeńde QMG úshin qyzmetkerler men olardyń otbasylarynyń amandyǵy, kompanııanyń múmkindikterine qaraı daǵdarysty jaǵdaıdy eńserý basty basymdyq bolyp tabylady, dedi QMG Basqarma tóraǵasy Alık Serikuly Aıdarbaev.
