Aımaqtar • 29 Sáýir, 2020

О́ndiristik nátıje: Kómirsýtek shıkizatyn óndirý

153 ret kórsetildi

2020 jylǵy birinshi toqsanda QMG munaı jáne gaz kondensatyn óndirý kólemi 5 929 myń tonnany (táýligine 489 myń barrel) qurap, 2019 jyldyń birinshi toqsanymen salystyrǵanda esh ózgerissiz derlik qaldy. Ilespe jáne tabıǵı gazdy óndirý kólemi 4,0%-ǵa2 260 mln m³ deıin ósti. Bul týraly «QazMunaıGaz» UK» Aq jurtshylyqpen baılanys departamenti habarlady.

Mega jobalardyń (Teńiz, Qashaǵan, Qarashyǵanaq) munaı jáne ilespe tabıǵı gazdy óndirý kólemindegi QMG úlesi 2 184 myń tonnany (táýligine 191 myń barrel) jáne 1 597 mln m³ qurady, bul ótken jyldyń osyndaı kezeńimen salystyrǵanda tıisinshe 4,6% jáne 5,9%-ǵa joǵary.

Teńiz ken ornynda munaı jáne gaz óndirý kólemindegi QMG úlesi 2019 jyldyń birinshi toqsanymen salystyrǵanda 0,9%-ǵa ósip, tıisinshe 1 535 myń tonna (táýligine 135 myń barrel) jáne 841 mln m³ qurady. 2020 jylǵy birinshi toqsanda jahandyq pandemııa Teńiz ken ornyndaǵy óndiristik qyzmetke yqpal etpedi. Alaıda sáýir aıynyń ortasynda TShO-nyń merdigerlik uıym qyzmetkerlerinen COVID-19 juqtyrý jaǵdaılary anyqtaldy. TShO qyzmetkerler arasynda indetti juqtyrý qaýipin azaıtý úshin Teńiz ken ornynda qaýipsizdikti qamtamasyz etý josparyn ázirledi. Jospar negizgi óndiriste qurylys jumystaryn toqtatýdy, bolashaq keńeıtý jobasy aıasynda asa mańyzdy emes jumystardy kezeń-kezeńimen toqtata turýdy jáne Teńiz ken orny aýmaǵynda qyzmetkerler sanyn azaıtýdy kózdeıdi.

Qashaǵan ken ornynda munaı óndirý kólemindegi QMG úlesi 23%-ǵa 365 myń tonnaǵa deıin (táýligine 32 myń barrel) ulǵaıdy. Tabıǵı jáne ilespe gazdy óndirý kólemi 25,2%-ǵa ósip, 219 mln m³ qurady. Munaı jáne gaz óndirý kólemi eki uńǵymany aıdaý qoryna aýystyrý esebinen gazdy aıdaý kóleminiń ulǵaıýy jáne óndiristik nysandardy paıdalaný koeffısıentiniń jaqsarýy nátıjesinde artty. 2020 jylǵy birinshi toqsanda Qashaǵan ken ornynda ortasha táýliktik jalpy óndirý deńgeıi táýligine 384 myń barreldi qurady.

Qarashyǵanaq ken ornynda munaı óndirý kólemindegi QMG úlesi 5,2%-ǵa artyp, 285 myń tonnany (táýligine 25 myń barrel) qurady. Gaz óndirý 538 mln m³ qurap, 2019 jylǵy birinshi toqsandaǵy deńgeıden 8,1%-ǵa joǵary boldy. Munaı men gaz óndirý kóleminiń ósýi Orynbor gaz óńdeý zaýyty tarapynan gazdy turaqty qabyldap turýyna jáne 2019 jylǵy qyrkúıek-

qazan aılarynda Qarashyǵanaq óńdeý kesheni (QО́K) jáne Gazdy keshendi daıyndaý qondyrǵysy (GKDQ) nysandarynda josparly-aldyn alý jóndeý jumystarynyń júrgizilýine baılanysty boldy.

Operasııalyq aktıvterde munaı men gaz óndirý kólemi 2,8%-ǵa, tıisinshe 3 744 myń tonnaǵa (táýligine 298 myń barrel) jáne 663 mln m³ deıin tómendedi. Operasııalyq aktıvterdegi óndirý kóleminiń azaıýy negizinen Qazgermunaı jáne PetroQazaqstan ken oryndarynda óndiristik josparǵa saı óndirý deńgeıiniń sáıkesinshe 28,4%-ǵa jáne 22,3%-ǵa tabıǵı jolmen tómendeýine baılanysty boldy.

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

«Barys» utylyp qaldy

Sport • 06 Naýryz, 2021

Uqsas jańalyqtar