Úkimet • 30 Sáýir, 2020

Memlekettik komıssııa 4 mamyrdan bastap jumysqa kirisetin qyzmet túrleriniń tizimin bekitti

7320 ret kórsetildi

Premer-Mınıstr Asqar Mamınniń tóraǵalyǵymen Prezıdent janyndaǵy Tótenshe jaǵdaı rejımin qamtamasyz etý jónindegi memlekettik komıssııanyń kezekti otyrysy ótti.

Elimizdegi sanıtarlyq-epıdemıologııalyq jaǵdaı týraly densaýlyq saqtaý mınıstri E. Birtanov, karantın jaǵdaıynda óńirlerdegi shekteý sharalaryn odan ári jeńildetý jónindegi usynystar týraly Premer-Mınıstrdiń orynbasary E. Toǵjanov baıandady. 

Memlekettik komıssııa óńirlerdiń ákimderiniń usynystaryn qarap, Densaýlyq saqtaý mınıstrliginiń pozısııasyn eskere otyryp, birqatar sheshim qabyldady.

1. Bıylǵy 4 mamyrdan bastap barlyq óńirlerde jumysqa kirisetin kásipkerlik sýbektileriniń qyzmet túrleriniń tizimi bekitildi: 

  • aýmaǵy 500 sh. m. deıin bolatyn azyq-túliktik emes dúkender saǵat 17:00-ge deıin (barlyq túrleri);
  • fotosalondar, gúl satatyn dúńgirshekter;
  • shashtarazdar (jazylý boıynsha);
  • medısına ortalyqtary (jazylý boıynsha);
  • stomatologııalyq klınıkalar (jazylý boıynsha);
  • jyljymaıtyn múlikpen operasııalardy júzege asyratyn kompanııalar, jarnama agenttikteri, advokattar, notarıýstar;
  • shaǵyn qarjy uıymdary, saqtandyrý kompanııalary, lombardtar, aıyrbastaý pýnktteri;
  • aqparattyq-kommýnıkasııalyq tehnologııalar kompanııalary.

2. Bıylǵy 4 mamyrdan bastap dalada sportpen shuǵyldanyp, jattyǵý jasaýǵa ruqsat etiledi. 

3. 4 mamyrdan bastap Nur-Sultan men Almatydan Qyzylordaǵa, Petropavlǵa, О́skemenge jáne Semeıge áýe qatynastaryn qaıta jandandyrý týraly sheshim qabyldandy. Reıster sanıtarlyq talaptardyń normalaryn kúsheıtýmen, az jolaýshylarmen jáne salonda erekshe qashyqtyqty saqtap otyrǵyzý arqyly júzege asyrylady. 

О́ńirlerdiń ákimdikterine tıisti sharalar qabyldap, jumysqa kirisetin nysandarda sanıtarlyq-epıdemıologııalyq qaýipsizdikti qatań baqylaýdy qamtamasyz etý tapsyryldy.

Sonymen qatar otyrysqa qatysýshylar TJ kezinde iri ınvestısııalyq jobalardy iske asyrý, syrtqy saýda operasııalaryn júrgizý jáne t.b. máselelerdi qarastyrdy.

Sońǵy jańalyqtar

Altyn shynjyrdyń sońǵy shyǵyrshyǵy...

Rýhanııat • Búgin, 23:01

Tergeýshilerdiń ustazy ulyqtaldy

Aımaqtar • Búgin, 19:35

Reseı ınvestorlary Atyraýǵa bet burdy

Aımaqtar • Búgin, 16:56

Erteń Úkimet otyrysy ótedi

Úkimet • Búgin, 15:17

Qýatty qurylymnyń shýaqty merekesi

Qazaqstan • Búgin, 14:15

Naýryz aıynda aýa raıy qandaı bolady?

Aýa raıy • Búgin, 13:30

Uqsas jańalyqtar