Alǵashqy jarys 9 mamyrda ótedi. AQSh-tyń Florıda shtatyndaǵy Djeksonvıll qalasynda ornalasqan VyStar Veterans Memorial arenasynda shymyldyǵy túriletin týrnırde Tonı Fergıýson men Djastın Getjı arasyndaǵy jekpe-jekten bólek, Genrı Sehýdo men Domınık Krýz, Fransıs Nganný men Jaırzıno Rozenstrýık, Alekseı Oleınık pen Fabrısıo Verdým, Donald Serrone men Entonı Pettıs syndy juldyzdardyń aıqasyn tamashalaımyz. Odan keıin UFC basshylyǵy 13-23 mamyr aralyǵynda taǵy úsh dúbirli doda úıymdastyrýdy josparlaýda. Bul básekelerde Entonı Smıt pen Glover Teısheıra, Alıstar Overım men Ýolt Harrıs jáne taǵy basqa sańlaqtar kúsh synasady.
- Eń bastysy, Florıda shtaty basshylyǵynyń ruqsatyn alyp, barlyǵy zańdy túrde bekitildi. Bir ókinshitisi, bul jekpe-jekter kórermensiz ótedi. Biraq odan jarystyń qyzyǵy esh kemimeıdi. Teledıdar nemese ǵalamtor arqyly tamashalaıtyn kórermenderdiń qatary mol bolatynyna senimim zor. UFC týrnırleri odan keıin de jalǵasady. Eger qajet bolsa, biz sol básekelerdi alystaǵy aralda da ótkizýge ázirmiz, – deıdi Deına Ýaıt .
Keıbir derekkózderge sensek, UFC uıymy osydan biraz ýaqyt buryn AQSh-tyń mańyndaǵy araldardyń birin satyp alǵan eken. Deına Ýaıt sonyń jaǵalaýynda oktagon ornatyp, jarys uıymdastyrýdy kózdep otyrǵan kórinedi.
