Janbolat Jaýtın men Amantaı Baıjanov taıaýda 5 jasar nársete men 14 eresek adamdy órtten aman alyp shyqqan bolatyn.
22 sáýirde túngi kúzette júrgen Janbolat Jaýtın men Amantaı Baıjanov Altynsarın kóshesindegi eki qabatty úıden shyqqan órtti baıqap qalyp, birden kómekke júgiredi.
-Biz sol sátte órt sóndirýshiler men jedel járdem qyzmetin shaqyrdyq. Mundaıda ár sekýnd qymbat. Eki qabatty úıdiń mansardynda da adam bar eken, - deıdi Janbolat Jaýtın. Úıdiń aınalasyndaǵy qorshaýy bıik, qaqpasy jabyq bolǵan. Polıseıler qorshaýdan sekirip túsip, qulyptaýly úıdiń esigin buzyp ishke enedi. Bul kezde mansard túgeldeı qyzyl jalynǵa oranyp, úıdiń ishin qoıý tútin basa bastaǵan. Polıseıler jantalasyp júrip, úıdegilerdi uıqydan oıata bastaıdy. Oıana almaǵandaryn syrtqa kóterip shyǵarǵan.
-Turǵyndardyń biri qalmaı syrtqa shyǵarylǵanyna kózimiz jetkenshe úıge qaıta-qaıta kirip, bólmelerdi birneshe ret tekserip shyqtyq, - deıdi Amantaı Baıjanov.
Qostanaı oblysy
