Tótenshe jaǵdaıda turǵyndar suranysyn ońtaılandyrý maqsatynda Meńdiqara aýdanynda taǵy bir «Kómek alańy» ortalyǵy ashyldy. Munda turǵyndar qajet qyzmetti túrlerin «bir tereze» arqyly ala alady. Front-keńseniń ashylý rásimine Qostanaı oblysynyń ákimi Arhımed Muhambetov qatysty. «Kómek alańy» zamanaýı baılanys jáne kommýnıkasııa quraldarymen qamtylǵan. Sondaı-aq azamattardy «open speıs» formatynda qabyldaıtyn arnaıy bólme bar.
Aımaq basshysynyń aıtýynsha, mundaı front-keńseler búginge deıin Qostanaı, Rýdnyı, Tobyl qalalary men Beıimbet Maılın, Amangeldi, Áýlıekól, Denısov, Jangeldın, Naýryzym aýdandarynda ashylǵan. «Kómek alańdary» qazir tıimdi ári sapaly, jedel jumys atqarýda. «Kómek alańy» ortalyqtary jyl aıaǵyna deıin oblystyń barlyq aýdandarynda ashylmaq.
Qostanaı oblysy
