Atap aıtqanda, jeńildikter azamattardyń serýendeýine ruqsat berýge qatysty. Sonymen qatar, endi balalarǵa turǵyn úı aýlalaryndaǵy balalar oıyn alańdary aýmaǵynda serýendeýge ruqsat berildi. Muny tek ata-analardyń baqylaýymen saǵat 10.00-den 18.00-ge deıin jasaı alady. Bul rette balalardyń oıyn alańdarynda kóptep jınalýyna jol berilmeıdi, al olardyń ózderi qorǵaǵysh betperdesin kııýi tıis.
Budan basqa, eresekterge óz turǵyn úıleriniń aýlalaryna kúnine eki ret - 6.00-den 12.00-ge deıin jáne 15.00-den 21.00-ge deıin serýenge shyǵýǵa ruqsat beriledi, sondaı-aq eki metr araqashyqtyqty jáne betperde rejımin saqtaý kerek.
Saıajaı maýsymynyń bastalýy da eskerildi. Endi shymkenttikter tek qala aýmaǵynda ornalasqan saıajaılar men baqshalarǵa bara alady, Muny tańǵy saǵat altydan bastap jasaýǵa bolady, al saıajaıdan keshki saǵat toǵyzdan kesh qaıtpaýy tıis. Jolaýshynyń ózimen birge saıajaıǵa nemese baqshaǵa menshik quqyǵyn rastaıtyn qujaty bolýy tıis.
Polısııa departamentiniń qyzmetkerleri qaladaǵy tártipti qadaǵalaıtyn bolady. Olarǵa qoǵamdyq oryndarda jáne turǵyn úılerdiń aýlalarynda serýendeýge ruqsat etilgen ýaqytty qospaǵanda azamattardyń jınalýyna jol bermeý tapsyryldy.
Al kommýnaldyq qyzmetter men áskerı qyzmetkerlerdi tarta otyryp, aýmaqtardy óńdeý karantın tolyq aıaqtalǵanǵa deıin jalǵasady.
Shymkent
