Tájikstannyń Ádilet mınıstri Mýzaffar Ashýrıen úkimettiń sońǵy jyldary Tájikstandaǵy «ulttyq esimderdi jandandyrý» saıasatyna engizilgen túzetýlerin túsindirdi. Slavıan jurnaqtarynyń ornyna zań jańa týylǵan balalardyń atyna tájik «-pur» (er balalar úshin) jáne «-duht» (áıelder balalary úshin) jurnaqtaryn qosýǵa ruqsat beredi.
«Slavıan tektes ulttarjyń aty-jónderine jalǵanatyn jurnaqtaryn paıdalanýǵa Tájikstanda turatyn ulttyq azshylyqtar, eń aldymen orys tildiler úshin ǵana erekshelik jasalady. Olar ózderi jańa týǵan balalaryn tirkegen kezde tegi men ákesiniń atyn qoldanatyn jurnaqtardy ózderi tańdaı alady» dep túsindirdi mınıstr.
Sonymen qatar, mınıstrdiń aıtýynsha, túzetýler tek zań qabyldanǵannan keıin týylatyn balalarǵa qatysty. Sondyqtan, tegi men ákesiniń atyn «oryssha» qoıǵan Tájikstan turǵyndaryna qujattardy qaıta rásimdeýdi óz erikterine qaldyrdy. Basqasha aıtqanda – mindettelmeıdi.
2007 jyldan bastap eldegi kóptegen joǵary laýazymdy sheneýnikter óz attaryndaǵy orys jurnaqtarynan bas tartty.
