Aımaqtar • 30 Sáýir, 2020

Qostanaı oblysy: Karantınde otbasylyq janjal kóbeıdi

365 ret

kórsetildi

1 mın

oqý úshin

Qostanaı oblysy jergilikti polısııa qyzmeti basqarmasy bastyǵynyń orynbasary Jeńis Bısembaevtyń aıtýynsha, aımaqta karantın rejimi jarııalanǵaly otbasylyq-turmystyq quqyq buzýshylyq órshı túsken. Sondyqtan polısııa sońǵy eki apta ishinde otbasylyq janjaldyń aldyn alý maqsatynda arnaıy reıdterdi jıiletken. Ásirese, polısııa esebinde tirkeýde turǵandar men turmysy tómen otbasylarǵa baqylaý kúshti.

Nurqanat QULABAEV

Qostanaı oblysy: Karantınde otbasylyq janjal kóbeıdi

- 17-24 sáýir aralyǵynda oblys boıynsha otbasylyq-turmystyq qatynastar salasynda 127 quqyq buzýshylyq tirkeldi. О́kinishke qaraı, áıelder kóp zardap shegip jatyr. Negizgi sebep - ishimdik. Ár fakti boıynsha jeke tergeý-tekserý jumysy júrgizilýde, - dedi polısııa podpolkovnıgi.

Máselen, kúni keshe ǵana Qostanaı qalasynyń 48 jastaǵy turǵyny óz otbasyna qııanat kórsetkeni úshin jaýapkershilikke tartyldy. Onlaın-rejimde ótken sot otyrysynda óz otbasynyń shyrqyn berekesin alyp, shyrqyn qashyrǵan buzaqyny eki táýlikke qamaýǵa alý týraly sheshim qabyldandy. Otbasylyq janjalǵa ishimdik sebep bolǵan.

Jalpy jyl basynan beri oblysta 1109 otbasylyq-turmystyq quqyq buzý oqıǵasy tirkelgen.

Qostanaı oblysy